Jinghpo hpaji景颇文化

HPU HKAN AI NUM NAT HPE HPU JA HKAP JO AI DUMSA GA

娶亲礼节懂撒噶

时间:2018-06-05 17:04:20 来源:德宏团结报

  (Shata 6 pro 1 ya na do)

  Wuhkyen hkut dai ningda ngu sai

  Hkringwa Awun wuju manat wuhkyen madat

  Mahkan sainu

  Sainu shan

  Amang amai

  Krong badung bada shan madat yang

  Awun Gumgun Ningsang Banang Tsen na

  Awun wuju sangau mahkoi mong

  Wuya hkindau n byong ai

  E hkringwa e dai go

  Awun wuju singngau n mong

  Ndong wuya hkindau n byong

  Awun wuju singngau mong

  Wuya hkindau byong

  Wuju singngau manyi

  Wuya hkindau machyi

  Wuju singngau htip

  Wuya hkindau chyip

  Wuju singngau gumlan shalat reng

  Reng ya

  Awun wuhkrung wundo lat

  Wusa sat din

  Anung ridung nong

  Richyan shong

  Wuhkrung wundo lat

  Wusa sat

  Wuhpyin arai

  Wuhpya ashai yin

  Awun Gumgun Ningsang Banang Tsen

  Ndong gumhpai ahpa ya

  Awun wuhkrung wundo lat

  Wuhpyin arai

  Wuhpya ashai yin

  Wuju shingngut

  Wuhkyen jikhkut

  Wuhpyin wuhpya ashai

  Wuju shingngut

  Wuhkyen jikhkut sai

  Hkinjong lamyin wan

  Hkinlai latsang san

  Ningsang Banang Tsen na

  N-gup muwo shan man

  Krong badung bada

  Krong gawun gawa

  Shadu shingngut

  Hpoda mazing

  Hposi hponan gahtap

  Magum manrap

  Gaiman ashan sap

  Jen chyumjang wai

  Wa-nai lahkang kai

  Reng

  Daini

  Awun Gumgun

  Ndong gumhpai ahpa

  Ningsang Banang Tsen na

  Awun salang nga

  Amang ashan man

  Sindin sindai

  Anu anai

  Gapung shangut

  Garai jikhkut

  Hpoda mazing magum manrap

  Hposi hponan gahtap ya na

  Awun wudun lanon

  Ndong wugau wugot liton

  Awun salung nang

  Ndong sila shabrang chyang ni ya

  N-gup muwo shan man

  Sindu sindai

  Sinpyi sinpai

  Wudu wudai

  Shinglet shingnai

  Gapung shingngut

  Garai jikhkut ya na

  (Ya na lang bai matut hti ga