Jinghpo hpaji景颇文化

DUM HPRANG SAGA

醒醒吧

时间:2018-06-05 17:03:31 来源:德宏团结报

  (Shata 6 pro 1 ya na do)

  Mam hpe n kam htu sha n kam gatsap rai nna gawut dat jang n-gu tum mu lu na hpe sha myit, bonu hta sam sam sungsung go n chye myit sumru yu, Myen mung e nga shanu ai hpunau ni a na masa hpe yu dat yang mung ganoi bo sha byin nga sai, masha ja- hpan senshi jan she du ai, sak manga kru shi a lahta de na gumgai dingla ni sha she htunghking loiloi chye mat sai, Miwa mung e go amyu a htunghking shamyit kau ya ai tara nga lai yu nga ai, anhte amyu a htunghking mung ganoi mat mat hkra, rai yang Myenmung hta go ndai zon re mungdan tara n nga yu ai, tsun ga nga yang, htunghking dai zon gata wa ai go Sinna makam masham hpe kam mat nna byin ai re ngu nna mai tsun nga ai, ya gara mungdan e nga shanu ai raitim amyu go langai sha, rai yang makam masham n bung hkat nna, Myen mung hta mi rai rai, Miwa mung hta mi rai rai, jiwoi htunghking jinat hte Sinna makam masham kam ai ni, shada jahpoi hkat ai chyu sha na lu, la-ma htunghking langai sha, jiwoi ni hpan shalat da ai nat jo hpe jom lang ai rai yang shada jahpoi hkat ai lam n chye pru sai, kaga amyu ni e jom manyi jahpoi kau ai lam mung n pru sai. Ya anhte myu ni ndai zon myit n jom hkrum nna, htunghking ni lani hte lani shamat kau ma wa, myit n hkrum ai manghkang madung go makam masham n bung nna byin ai rai sai, kamhpa ai lam mung nau wa lo mat nga ai, sagon yu yang htunghking natjo hpe kam ai masha Miwa mung hta grai no lo ai raitim, hkalup hkam ai masha mun masum mali nga ai, gahtolik kam ai hkying masum mali nga ai, masha hkun sumshi daram Miwa a Daugyau hpe kam ai ni nga ai, sam a Fugyau hpe kam ai ni nga ai, masha shihkun Zang amyu ni a Fugyau hpe kam ai ni nga ai, nhpa dingsa hpung, gari hpung amyu myu kam ai masha no nga gajang, gadai amyu ni pyi anhte amyu ni zon rai chyurum Wunpong amyu sha ni nga nna n chye shamying la nga ai, mying je na pyo jang amyit grau na ayai aya rai, amyu langai sha, le kam wo kam, ndai zon re amyu wa n hten bya wa yang go?! Ga go dik na tsun ga nga yang, ndai zon jom byin ai go madu a gaji gawoi hpe n chye hkungga dik ai amyu ni rai nga ga ai!(Bai matut hti ga)