Jinghpo hpaji景颇文化

DUM HPRANG SAGA

醒醒吧

时间:2018-05-24 15:32:29 来源:德宏团结报

  (Shata 5 nhtoi 18 ya na do)

  1. Kunghpan makam masham hpe hpan shalat na lachyum madung go prat dep hpaji hpe sumru du ra ai, mungkan ting na shinggyim sha ni yong ra sharong ai nan re myit jasat gamung hpaji hte ka ai makam masham rai ra na, sha nrai yang gadai n ko madat ya, ya anhte a dumsa jaiwa madu a jinat jojau ai hpe gade jo dum tim, makau mayang e nga ai sinna ga de na makam masham hpe kam ai masha ni n kam madat ya ai hte bo sha chye byin nga ai, ndai go sinna masha ni mungkan masha yong a kro gata sha chye ai daram sumru mu ai rai nga masai, mungkan ting a myit masin hpe masop chye ya, ndai daram zen kung ma nna she shanhte a makam masham mungkan ting lu shapri wa mu ai, 2. Makam masham hpe shapri na rai yang, gara mungdan ko du jang dai mungdan na masa hku chyum buk gale ya, shing nrai laika galo shapro ya no rai nga ai, tsaning shong e sinna makam masham Myen mung du yang, Jinghpo bumga hta Jinghpo amyu ni ga grai madat ya na tai nga ai nga myit nhtom lawan wan laika galo shapro ya di mu ai, shaloi she makam masham shapri loi nga ai, dai hta n-ga bosang amyu ting a gaja ai lailen ni hpe mung no ka gahkyin ginchyum bang, shingrai ka shapro don lu sai makam masham gamung laika hpe bai sharin ya, amyu langai mi a myit jasat tai mat lu hkra hko shapra, mung masha hpe madu a htunghking zon zon kamsham shangun, ya sinna ga de nna shang wa ai Yesu makam masham go ndai hku nan chye galo wa nga masai. 3. ka shalat ton ai gamung makam masham laika hpe lo malong mung masha ni ra sharong ra ai, shong nnan sara tai na hpe shong sharin ya, sara ni hpe mungdan jut shagu hta sa hkan sharin ya jang she mung masha ting ko du lu nga ai, dai ko nna amyu bosang ting hpe shapri bang wa. 4. Sharin shapan lam hta ajong no hpo galo ya ra ai, ndai go ahkyak dik ai lam re, ajong dai ko she dai krung krung ting na shawa masha hpe sa sharin ya rai nga ai. 5. Bai nna kamsham shang ai masha ni akyu loiloi mu shangun ra ai, garai gasang Yesu hpe ninghpai nna ruyak jamjau re hpe gachyi gajo garum gatau di masu, shaloi she mung masha amyit grau na kap wa, ndai mung Sinna makam masham sumru ai ni masha chye shalen la ai ladat ahkyak nan rai sai. (Bai matut hti ga)