Jinghpo hpaji景颇文化

DUM HPRANG SAGA

醒醒吧

时间:2018-05-16 15:34:21 来源:德宏团结报

  (Shata 5 nhtoi 11 ya na do)

  Htunghking go masha ngu ai hte seng ai amyu myu ma hkra hpe tsun hkra nga ai, raitim ya go aprat nnan galai sai re majo, mungdan shagrin ton sai, mungdan hkohkam hte mungdan a upadi tara hpe hkan nna she bosang amyu ngu ai nga shanu sai, shingrai moi de na htunghking nkau mi hpe go amyu langai mi a matu hku tsun ga nga yang, shade wa n seng mat sai lam rong ai. Yu, hpyen magam lam, dai go mungdan ting a mu magam she byin mat sai, bai nna galo lu galo sha lam, ndai ni mung lo malong go mungdan a tara masa hku hkan ra mat sai, sharin shapan lam mung mungdan asuya dodan ai tara hku hkan ra sai. Bai nna mung masa lam, ya go mungdan hpe ganing di tsora sa wa na, mungdan a tara ganing di hkan sa wa na, gaka bosang hte gara hku hkuhkau mazum mat wa na, ndai hku sha mai tsun mat sai. Raitim, gaka htunghking ni go madu amyu hte shani shana n mai hprai ai ta tut lang nga ga ai,anhte chyurum Jinghpo myu sha ni a htunghking hku tsun ga nga yang, yu, htunghking gaba rai nga ai hkringwa dumsa jaiwa hpaji ni, da maka ni hte buhpun palong htunghking ni, apoi gaba galo nna shapyo ai htunghking gaba ni, madum sumhpa hku nna shapyo ai htunghking ni, jinat galo jojau ai htung hking ni, dum nta gap galo rong ai htung hking ni, numbon numla ai htunghking ni lo dik sai, raitim, ya ndai prat hta htung hking nkau mi hpe lani hte lani shamat she shamat kau ma wa,“Htunghking mat jang myu ngu ai mung mat chye wa ai”nga ai ga lahkun ndai ko shachyo hkra wa ai zon zon byin wa nga ga ai, myutso myit madang shatso la na shakut shaja sa wa na matu grai no chyom yak nga ga ai. Hpa majo yak a ta? nga yang, lawu de na masa hku byin nga ga ai hpe chye lu ai: (Bai matut hti ga)