Jinghpo hpaji景颇文化

Shayi hpu hkan ai mayu Zali hkap jo ningngan ai dumsa ga

民间故事

时间:2018-04-19 16:05:13 来源:德宏团结报

  (Shata 4 htoi 11 ya na do)

  Reng

  Mayu Zali gamoi

  Rumgoi rumwa

  Shayi shadang sa-wa ya

  Gadau gada wom nu

  Ahpang lupsa

  Ali hpungnang tsom

  Shayi aja shadang hpaga tsom sai

  Reng

  Hpang lupsa

  Gadau gada hteng

  Daini na mahkang sungkung garan ai

  Dinyeng sumpum ahpang gachyan ai

  Mahkang sungkung garan

  Dinyeng sumpum gachyan

  Wuhkrung wundo lau lau let

  U mai u sa kyet

  Zali lata ra

  Usoi u sa gumrin

  Sa-wa labang gra

  U sa gumhkyin

  U byin lut

  U yom zut

  U jup mai

  U hkang kai

  Zali numdung de

  Shi ning u yo wa lanu yang

  Latsa lamun ning

  Mayu da-ma hku masin ngang

  Ginhto gin-ya ra-masin kang ngin

  Ginchya ginwa pra nga na masai

  Mayu mali ni

  Pungsan hka hku

  Shawang myitsu

  Shi hpu mali nan

  Ninggon ahpu hpyi hkan

  Shi hpu lajo masong

  Shi ning ningran

  Latsa lamun ning

  Ninggon ahpu ya shatong da-hpran hkam

  Ningran ningrai

  Dimi laijum mado wuhku

  Shayi sumpum laijum mado wuhku

  Shadang ningwot laika lungpu mung

  Nga lu nga mai mahka hpunmai

  Kun mai dinghku grai

  Gahkrap hkam

  Dingrong shayi go-num dinghkum

  Gumja gumhpra pra wumja na masai

  Wuhkrung wundo let sai ya

  Hkringwa

  Gatsing shan manat

  Galang man shan madat ya

  Hkringwa manat

  Mayu mali ni ko e non ai

  Shi hpu mali nan

  Ninggon ahpu hpyi hkan ai

  Mayu Zali nungmyin mahkoi nga

  Gatsing ashan manat

  Mayu mali zali

  Shi hpu mali nan ai

  Ninggon ahpu hpyi hkan yang tsom

  Gatsing ashan manat

  Zali ong sa-wa tsom ai

  Reng

  Hkringwa gatsing ashan manat reng rai sai

  ya

  Le

  Wuhkrung wundo no nga

  Mayu mali ni ko shi hpu mali non ai

  Zali Sa-wa wuhkrung wundo lat la nu

  Sa-wa u sa sat

  Ma munrang n ram ai

  Chyu madat n nga n hpan ai

  Reng

  Wuhkrung wundo gadai lat

  Dai go

  Laijum hkinjong laika hkinlai e

  U soi ra u du gadoi

  U sa hpra u bong gamoi

  U du gahtan u du ro

  U bong gangan u bong chyo

  U soi lat la nu

  U sa ban la sai

  U pron tsi matut nu

  U sa galu gaba gamut

  Sharot ngoi jahkom chyoi

  Sharot yang jahkom hprang

  Hto

  Mayu mali ni ko non ai

  Zali ningdung de loi

  Sa-wa ninghtong de hkkroi

  (Ya na lang bai matut hti ga)