Jinghpo hpaji景颇文化

Shayi hpu hkan ai mayu Zali hkap jo ningngan ai dumsa ga

诗歌

时间:2018-04-03 17:57:18

  (Shata 3 nhtoi 30 ya na matut ai)

  Dimi shayi ni

  Mayu ni e

  Shi hpu shalat

  Ninggon ahpu dat yang

  Le

  Mayu laijum mado wuhku ko

  Shi hpu balam ring

  Ninggon ahpu jinghkam mai chying ngu

  Amyit n mu ai

  Shayi sumpum laijum wusa

  Adong wunlang yon

  Wunhkrong laman gon yu yang

  Balam mai ya

  Mayu lanu ni ya

  Sharung aja wa lat

  Shakau hpaga wa pat

  Mahkang sungkung wa ring

  Dinyeng sumpum wa chying ngu yu yang

  Wudung wunla lun

  Wuhpang wunchya dung

  Wudung wuhkum apot ninghpang

  Ashi n ngon ai nga

  Wunjum e yon lata

  Ningwot gon ginghka yu yang e

  Le

  Mayu mali

  Mali hka dung

  Sharung aja mahtong shakau hpaga bong

  Mahkang sungkung mahtong

  Dinyeng sumpum

  Sharung noidung

  Shakau noihkong bong ngin

  Mayu mali ni

  Dimi shayi ni e

  Mayat maya wa sa

  Daini

  Dimi laijum mado wuhku ko

  Latsa lamun ning

  Ganam shinggyim wa ring

  Manu hkinchyi

  Mayat maya lahkum mung wa chying

  Gumja gumhpra tingnyang dung ngin

  Wa chying ngu yu yang myit n mu

  Wunjum shamon yon lata ra

  Mayu mali de en

  Sharung aja ko nan ai

  Shakau hpaga ko hkan ai

  Mahkang sungkung

  Dinyeng sumpum ko nan ai

  Dimi shayi ni ko

  Shi hpu mali

  Ninggon ahpu wa hpyi na ya

  Dimi shayi dinghkai shagyi ni

  Shi hpu lajo shilai

  Ninggon ahpu shabai

  Hkringwa lili

  Dimi shayi ni

  Shi hpu wa mazing

  Ninggon ahpu shagu nhpa shading

  Dai do

  Zapra zanan

  Shani u yo lanu ai

  Shana u hpran lahku ai

  U dung manu

  Zapra zanan u li shagu

  Wuhkrung wundo tanta mazing

  U mai u sa u shan ya shading ngin

  Gaji bunghku yin

  Hkinchyi mado tu lun ai

  Kumbang jahpan e htep dun sa