Jinghpo hpaji景颇文化

Prat lak nnan magam

诗歌

时间:2018-04-03 17:56:31 来源:德宏团结报

  Sa lo...

  Prat lak ningnan magam sa

  Gram galai magam dangam nga

  Prat ningnan hpong shingra masa

  Nambat 19 lang na zahpong atsam la

  Lai sai magam yi-ngam n htang sumru

  Du na ten na bungli bandung machyu

  Lai sai yi-ngam n ma

  Nambat 19 lang zahpong atsam hte jahpra

  Pa-ti wun-yo galai

  Shingteng magam da-hpran ai

  Yi-ngam hkam daga shaloi

  Matsan jahkoi magam mado lon

  Lam yan shagu lahkam ningnan

  Da-sing da-hpang ningnan htan

  Bung ai htingban ningnan bang

  Ahtik hte ahtik lahkam shang

  Lago hkang langai magam langai

  Tsun du galo du magam bungli n hprai

  Mung shawa madai nsen madat

  Kasi kanan ningshong magam jahkrat

  Buga shagu gawan du

  Shingjut shingno mada mu

  Mu gaba n mai hprai

  Mu gaji hte arau rai

  Pa-ti a shinggan myisha

  Ten shagu mung shawa hpe mada

  Mung chying hpaji gabyu shakut

  Hpaji jan mau wan wut

  Masha ngau shalat shapan

  Prat ningnan magam hpan

  Mung shawa hkamja lam majan

  Sut lu tsi muwan dangam mahtan

  Magam bungli masha shachying

  Hpu ging shabrai dodan sharin

  Htingchying hkri-on dangam

  Sut hkau-na n hkam

  Hkrun htinglet n hkring

  Buga gahtong shagu ting

  Hkai n mai bo hkum sumhpa

  Baigum bai nyeng nga na

  Hpaga wu-nyen gashot n nga

  Gumlu gumlang gat lam sa

  Pa-ti a kro wang sin dung

  Shani shana ginding ga nai lahtum

  Mung shawa sut su u ga nga

  N htum n wai da-kan ya

  Nambat 19 lang na zahpong atsam hpe hkaja

  Matsan chyaren lawan jahkoi na

  Mung chying amyu bosang shagu

  Sut lu nga mai lam de ru

  Mungchying amyu n ginghka

  Ngang grin ai hta nan pra ra

  Nlo htum amyu raitim

  Sut ngai lam go dinggrin

  Nhton buga shagu mung maren

  Krung sinwa du hkra hkren

  Nambat 19 lang zahpong atsam lahta tang

  Prat lang ningnan magam dang

  Sut lu lam dangam shanglot

  Jahkrai ningmai ni ko nna hkot

  Tso ai madang shawang su

  Lahta madang tso sutgan lu

  Galo lu galo sha tsun n ra

  Suthpom myitmang langai da

  Raudung rauhpong zimra

  Sut lu nga mai dangam sa