Jinghpo hpaji景颇文化

Shayi hpu hkan ai mayu Zali hkap jo ningngan ai dumsa ga

诗歌

时间:2018-04-02 16:55:53 来源:德宏团结报

  Wo Nhkop

  Mayu mali

  Shihpu mali non ai

  Pungsan hka hku ni ko

  Ninggon ahpu hpyi hkan ai

  Mayu mali

  Mahkang sungkung ko nan

  Dinyeng sumpum mayat maya ko hkan ai

  Sharung aja ko nan

  Shakau hpaga ko hkan ai

  Shi hpu mali nan

  Ninggon ahpu hpyi hkan ai

  Tsummun Zali Dinghkun Zawa

  Zali Go-mai Sa-wa Go-sha

  Kadung wunli hku ngat

  Wutung shing yan ga hkringdat

  Kadung wunli hku rong

  Wutung shing yan hku hkringdat

  Kadung wunli hku rong

  Wutung shing yan hku htong

  Shi hpu mali non ai

  Ninggon ahpu hpyi hkan

  Mayu Zali

  Mali Hka Dung Zawa

  Hkring-yu ding yang

  Hkringdat rumta dum pyang

  Ndai

  Dimi ninghtong

  Da-ma ningchyong

  Gaji bunghku yin

  Dimi gahtong maga wa lam hpyin ko

  Hkinchyi mado sa lung

  Kumbang jahpan sa dung

  Hkringwa ga lara sai

  Dumsa ga madat lasha sai

  Mayu mali ningkon ni ko

  Shihpu lajo non ai

  Zali Sa-wa

  Hkring yu yup hpa nga en me non ai

  Sa-wa hkringdat grup n hpron gadai hpron

  na

  Mayu Zali hkring yu yup non ai ya du sana

  Ya daini ninghtoi e

  Ndai

  Lat gashu Chyanun Ngauhpa matu

  Dimi shayi dinghkai shagyi ni ye

  Hpungtsin la Hpungkrang ma ni

  Mayu lanu pungsan hka hku ni ko e

  Ganam shinggyim sa muwai ai

  Mayat maya sa mali

  Ganam shinggyim sa hpyi

  Mayu mali ni

  Mayat maya wa ya

  Gumja gumhpra wa sa

  Sharung aja mazing

  Shakau hpaga shading ngin

  Sharung noidung bong

  Shakau noihkong mahtong

  Mayu mali

  Ganyi gatsa

  Gaji gahkai

  Makyin jinghku

  Lawu lahta

  Gahpu ganau hkum mun

  Hto

  Dimi shayi ni e

  Sharung aja wa sa

  Shakau hpaga wa ya

  Mahkang sungkung wa ya

  Dinyeng sumpum wa sa

  Ganam shinggyim wa ya

  Manu hkinchyi wa sa

  Shing-yang mayat wa ya

  Balam jinghkam mai ya

  Mayu ni ya sharung aja wa ring

  Dimi shayi laijum mado wuhku

  Shadang ningwot laika lungpu nta ko e

  Shakau hpaga wa ya

  Balam mai wa chying

  Mahkang sungkung balam ring

  Dinyeng sumpum janghkam mai chying

  Latsa lamun ning

  Mayu mali dimi da-ma

  Hku masin ngang

  Ra masin kang

  Ginhto gin-ya

  Ginchya ginwa

  Shihpu shalat hkat

  Sharung aja jo hkat

  Balam mai ya sharung aja ring

  Shakau hpaga wa chying

  (Ya na lang bai matut hti ga)