Jinghpo hpaji景颇文化

Tso hte an a prat

情花

时间:2018-03-22 17:30:41 来源:德宏团结报

Htunghking magun lit. (Datbung dem ai: Alat Gun Ong)

  Hto

  Shagong ntsa samui dung

  Tso hte an kam maka rum

  Mungkan ntsa an tso dik

  Shada marit shakap salat gyik

  Aten shagu gahtan hkrum

  San seng chyoi pra myit mang rum

  Tso go wuntung ajan rai

  Mali shata ngu tim mai

  Shata pru jang ngai mung pru

  Mali shata shagong ningngai shagu

  Wunbu shagan nang rai sai

  Shagan yu na ngai n hprai

  Ajan pru jang ngai mung kang

  Shingtung ajan an ko ang

  Gram galai prat bai du

  Prat ningnan chyeju lu

  Matsan jahkoi magam shang wa

  Garum gahtau an lu la

  Htingchying hkri-on n ra

  Asuya e majan ya

  Ya an htinggo rin wa

  Nhprot shingnom de nga

  Mungchying madi shado tara du

  Modo lam bai htu ya pru

  Lapli ningtsing kumshu hkai

  Shalon namhpun garum ai

  Gunsau hpalap hkai tim

  Garum gahtau la n hkring

  Lareng hpunngau hkai mu nga

  Ninghpang gumhpro garum ya

  Nsi naimam hkai tim mai

  Asuya garum la n hprai

  Tara shang magam galo nga yang

  Lam shagu garum la ang

  Yi-ngam ningsa hkan jahproi

  Tara shang magam galo nga yang

  Lam shagu garum la ang

  Yi-ngam ningsa hkan jahproi

  Bai du na magam wundoi

  Hkring mat aten n nga

  Mungchying chyeju dangam pra

  Yi-ngam lado lu lon la

  Dumsu rem mu nga

  Matsan jahkoi dumsu lu

  An go shakut ban dung mu

  Machyang n-gun sha ra sai

  Tso hte an sho na rai

  Shada tso nna n-gun lu

  Yu chyai n lo hpungtun pru

  An a magam lam yan shagu

  Yi-ngam tsong rai pru

  An hkai ton ai hpun ngau ni

  Gaba tsom lon ningli

  Gunsau hpalap hte kumshu

  Shaning shagu amyat lu

  Htingkyeng magam ngut jang

  Sut tam ningchyang shang

  Ma ni jong lung mat wa

  Asuya e garum la

  Hpong shingra nga yang

  Pyo zim ra ai ko ang

  Machyi mako hkrum wa yang

  Mung shawa tsirung de

  Hkyemsa manu an lu la

  Pyo la ai anhte mungdan

  Runggung mat na n kam

  Prat tup mahkon shabrang na

  Gumgai dingla n chye hkra

  Tok lok lap hpe zolau

  An a prat hpe shagrau

  Pati a chyaju rai

  Shakon shagrau n ma ai

  An a kam maka wa

  Baigum bai nyeng na