Jinghpo hpaji景颇文化

Wunrot hpungdun ai dumsa ga

诗歌——懂撒话

时间:2018-03-14 10:11:32 来源:德宏团结报

  Wuggang Ningdung ga ngat

  Ntsang wa yang tu Mali hkringdat

  Wugang Ningdung ga rong

  Ntsang wa yang tong Mali hkringdat

  Wugang Gin-yong Ja lat Ning shong

  Gumgum hkring yu ding yang

  Magam gumhpai hkringdat rumta dum

  pyang

  Gumgun ahpun sa lung

  Magam ajang tingrai dihkro sa dung ngin

  Hkringwa ga lara

  Dumsa ga lasha

  Hkringwa ga hpa nga en non

  Dumsa ga nhpron gadai hpron na

  Hkringwa ga hpron ai ya du sana

  Ya

  Lon Mali lon ala ni

  Samzet ma mahkon ni

  Anum mado ga sharum

  Ala ninghtan ga jahkrum mun

  Num mado ga mayon

  La ninghtan ga shabon

  Anum tsadun lon

  Ala tsadat pon

  Anum tsadun mu

  Ala tsadat shu wun

  Numsan zingro mung lon

  Yu nga mayon mung pon nin

  Ganam shinggyim shalu

  Dinghkun mayu sa shatu na ngu en

  Wunrot hpungdun shadap

  Wunbon gungsi n jahkap yang

  Ganam shinggyim n lu na myit

  Dinghkun mayu n du na hkrit

  Gumgun magam ni e

  Wunrot hpungdun shadu

  Wunbon gungsi shu

  Wunrot hpungdun shadap

  Wunbon gungsi jahkap ren

  Shayi sumpum wunjum manong nam

  Shadang ningwot laika ga kam mun

  Gumgun magam ndong gumhpai ni e

  Wunrot hpungdun ren

  Wunbon gungsi hprem

  Lali hkringwa

  Wunrot hpungdun hpa mazing

  Wunbon gungsi hpa shading

  Ningdung adi ninghtong asi

  Chyinglong tsan yang e

  Ningdung de hkri-on ai

  Ningjat de mahkon ai

  Di tum ing ai

  Ningtsang di hpyi ra

  Di man gaja

  Lapran di lam ra

  Ningdung adi ninghtong asi

  Shadu shangut

  Lapran dihpyi hpyem

  Ningtsang di lam yen

  Hpoli ningdung hpoda htam

  Hpohkai matsun hpoda ngan

  Hpoli ningdung lina

  Hpohkai matsun liga

  Hpo ngop reng

  Hpoga hpo hkop bun tseng

  Jen chyumjang wai

  Wa-na lahkang kai

  Gumgun ahpun ne lau sa

  Magam ajang hkrau da sai

  Wunrot gungsi hpa mazing

  Ma mu man matsi machyan

  Rulat ningdung do

  Ru ding yang jap hka dinggrang

  Gumgun htot lu gashin

  Magam htot tsang htingkrin

  Gumgun htot lu dat sha-ing

  Magam htot tsang dat jahpring

  Gungsi gungjau ndo wom

  Nsa sinwa dumhpong tsom

  Wunrot wunbon gungsi wom

  Wunbon gungjau

  Alu sinwa dunghpong tsom wom sai

  Reng

  Wunrot hpungdun lau let

  Wunbon gungsi lau kyet

  Wunrot hpungdun ya let

  Wunbon gungsii ya kyet ya na

  Wo

  Gumgun Magam

  Laijum Chyahpung Gum gun

  Rapdo gumhpai ahpa e ai

  Gahpu ganau ga sha rum

  Mayu da ma ga jahkrum ya lu

  Aru raisau ga majong jon

  Ningmun gasa ga shingkrau hton

  Aru hpaisau e majong jat

  Ningmun gasa e shingkrau dat

  Janghtung e sa shangui

  Jangta e sa gasui en

  E

  Janghtung ga sa mayon

  Jangta aga sa shabon ya

  Mayu e shangui lu

  Mali hka dung e gasui lu

  Mayu mali ga sa sharum

  Janghtung jangta

  Dimi da-ma ga sa jahkrum lom lu

  Ganam shinggyim e sa shangui lu

  Manu hkinchyi e sa gasui lu

  Ganam shinggyim shalu

  Dinghkun mayu sa shatu ya lu

  Wo

  Mayu mali ni

  Sharung aja mahtong

  Shakau hpaga bong jinghkum mun

  Mahkang sungkung shingnum

  Dinyeng sumpum jinghkum mun

  Sharung noidung shakau noihkong

  Jinghkum yang

  Sharung aja shingnum lom lu

  Shakau hpaga hteng jinghkum lom

  Dinyeng sumpum jinghkum lom lu

  Makang sungkung shingnum lom lu

  Ganam shinggyim e shalu wa

  Mayu mali ni e shangui

  Janghtung jangta

  Aru hpaisau hte e gasui

  Shingdu dungngin matsun

  Aman dung ngin madun lu

  (Ya na lang bai matut hti ga)