Jinghpo hpaji景颇文化

Numla ahkang hpyi ai dumsa ga

娶亲懂撒话

时间:2018-03-08 10:33:45 来源:德宏团结报

  (Shata 2 nhtoi 16 ya na do)

  Wo

  Wugut wunat

  Wumyin wuba

  Hkringwa dumsa

  Punghprong punglong

  Mado gong ninghtan shingmang

  Hkinjong hkinlai ni

  Hpaga dingga ni

  Myiwan zadung hte run

  Na san zahkong samzet samtsang zawa

  Mayat maya gumja gumhpra

  Shi lam hkun lam laika hte gun

  Wugut wunat ni sha

  Wugut sumri ngang

  Wunat shingmang sumdai kang na re

  Punghpro punglo ni sha yang

  Punghpro punglo sumri ngang na re

  Laijum laika ni gun sha yang

  Laijum laika chye wa na re

  Wa gun li wa hpai kri ni ya

  Sindu sindai sinpyi sinpai

  Anu anai

  Shinglet shingdai

  Ningngo ningngai go

  Hkringwa dumsa Hkinjong bunghkon

  Jaili jaiwa

  Jainoi jainang

  Hpaga dingga

  Ningdup ninghkap

  Hpajau hpareng

  Hkringsu hkringli

  Di dun wan wut

  Mado gong ninghtan shingmang

  Hkinchyi dingwang agong

  Bringli shingmang ni e

  Pyi run apa gun lu

  Lu hkritung mu

  Akro akan lat

  Hkriwang ginshang shu

  Bashi banu apu majai pat na re

  Daru salung nang

  Magam sala shabrang chyang

  Daru wudun lanon

  Magam wugau wugot laton hteng

  Wa gun lanon

  wa hpai laton

  Wa gun li

  Wa hpai kri

  Hkra ton mazing

  Hkringwa hposi ngu wun gun

  pai gam lahpo go

  Hkinjong hposi ngu wun run yang

  Hkringwa mangan nga

  Hkinjong maden ja

  Gumgun gumhpai but wang hkringwa

  Matso ningtsang ahkat hkrang ngin hkringwa

  Shi lam laijum gayan hkringwa

  Hkun lam laika gahpyen hkinjong

  Bong hprong hkringwa

  Bong pu lawai shu wun hkinjong hkringwa

  masit

  Hka hku lanon ja lu wun hkringwa hkinjong

  masit

  Hposi manan nnang

  Hpo sa nampum mahkan n shang ai dumsa

  masit

  Gumgun wa gun li

  Gumhpai wa hpai kri ni ya

  Ahkra hponoi nang

  Apai hpo pya gapyon bang

  Dai go

  Ahkra Hpo noi go

  Numdu hposi ngu wun run na re

  Numdu numba wunli lu

  Ganam shinggyim lu

  Dunghkun mayu du

  Mayat maya gumja gumhpra wa na hte pra

  wa na masai

  Apai hpo noi ganon nang go

  Gahpu ganau e ya

  Gahpu ganau hpaju rai

  Mayu ai ya yang

  Mayu hku masin kang

  Mali hkraigung ngang

  Ji myi mu shada la-ra

  Nat na nang shada hkungga

  Pyi run marang ram

  Pa gun pa sha jahpra shingkang hkam ai

  Alu dung yong lun

  Nsa sinwa dunghpong gun

  Wugang Mu Nu Gumgun asin si

  Ganam shinggyim shalu ahkang hpyi

  Gauru rumdung doi asin si

  Gauron ningmong soi ahkang hpyi ai

  Mahkan sainu shan hteng

  Alu lun nsa sinwa dumhpong gun

  Hpo dung non

  Hpo hpang kron

  Hpodung guwai lun

  Hpohpang makai gun

  Gumgun hpun shalat rot

  Magam ajang shapat

  Wa hkrung wundo shawang ko shawang

  Wa sa jahkrang ko jahkrang

  Wa hkrung wundo n lon shalon

  Wa sa n pon shapon

  N wai shawai

  Ntsai satsai

  Magam ajang shganyem shapat htot nin

  Chyahpung gumgun lot

  Lupdo gumhpai pot

  Gumgun hkring yu

  Gun n nu hpai n tsu

  Gumgun hkring yu

  Gun nai hpa htau ting

  Hpai ai hpa rit kring

  Shani wa lan n nu

  Shana wa hpan n tsu

  Gumgun hkring yu sin nga

  Magam gumhpai hkringdat

  Htemye htam htau

  Alang nga

  Wa rungga dung sit e.... (Ngut sai)