Jinghpo hpaji景颇文化

Mau poi

目瑙节

时间:2018-02-23 17:49:53 来源:德宏团结报

  Nang ka manot mayu ai rai yang

  Manau wang de du sa rit

  Nang yu-ngui nsen sho mayu yang

  Manau wang de sa wa rit

  Nang lama wa labau galu machyo sung re manot ginsot mu mayu ai rai yang

  Manau wang de du sa rit

  Dai ngon sam la ai dumba nsen manau wang e ngoi wa ai go

  Moi chyaloi nhkoi hta masha wahpung wahpong ni ningbo lata ai zon hkik nga ai

  Daini go bum lang lamun latsa olo ai nhtoi

  Daini go Jinghpo wunpong sha ni satang donghkon jung ai nhtoi re

  Nang sinpro de in sanat hte pung nga nna sa wa

  Shi sinna maga de in soi palong hpun nna sa wa

  Ngai dingda maga de in rudu nhtu ningwut nna sa wa

  Shanhte dingda maga de in bosang yong a shaman chyeju gun nna sa wa

  Anhte ndai ko jom zup nna

  Manot manot manot …

  Wahpung wahpong ko nna manot pru wa

  Labau ko nna manot pru wa

  Sungkung baren hkom shapro

  Bum lang hka shi hkom shapro

  La ni hkrep rai jang go bum lang rai

  Num ni hkrep rai jang go mahkup saiwan rai

  Ndai ko na manot maka go

  Bum lang ko saiwan bung hkup ai zon

  Shaman yu ngui le

  Salang ni a n-gup ko nna chyai pru wa

  Tsora ai yu ngui le

  Ramma ni a n-gup ko nna pru wa

  No gaji ai ni go shaman ai madat let

  Htom hpang mahkrun sumru sai

  Chyingbau go prat pra a nsi nuk rai

  Jamgo layit go nsam sanit nhtoi shahkong rai

  Chyanun tsahku go htunghking a shingna re

  N-gup mi lu yu go nang tut e hkamja na re