Jinghpo hpaji景颇文化

Numla ahkang hpyi ai dumsa ga

娶亲懂撒话

时间:2018-02-13 16:52:31 来源:德宏团结报

  (Shata 2 pro 9 ya na do)

  Akan ashan yan

  Hkra ton mazing

  Basho bashi banu badong rau

  Si sharum shadu shangut

  Hpoda mazing hposi hponan gahtap sai

  Shagu numdu ya

  Mahkan sainu dingrong man sai

  Sainu shan jinghtong san sai

  Wa gun li wa hpai kri ni ya

  Mahkan sainu shan dingrong man

  Gumgun wa gun li wa hpai kri ni ya

  Sainu shan dingrong man

  Ahkra hponoi nang

  Apai hpopya gapyon bang

  Ninghkyun ninghkyai shan nang

  Gahpa hkalap marung ningtung ashan nang

  Buyit madop buwai shingkop

  Salum sinwop nang

  Sinja bang sade nom sindai hkyom

  Lawu singkoi nang

  Lahta sinja bang

  Akan ashan yan

  Bashi banu badong rau

  Asi sharum ahkum jinghtum shadu shangut

  Hpoli ningdung lina

  Hpohkai matsun liga

  Ya

  Laijum chyahpung gumgun

  laika lupdo gumhpai ahpa ya

  Gumgun shada la-ra na

  Gumhpai na nang shada hkungga na

  Ahkra lahpyin rau

  Apai jinghpa hpyau

  Ninghkyun ninghkyai ashan nang

  Gahpa hkalap marung ningtung shan bang

  Bayit buwai shan nang

  Salum sinwop sinja sade bang

  Lawu singkoi nang

  Lahta sinja bang

  Akan ashan yan

  Bashi banu badong rau

  Asi sharum shadu shangut

  Ahkra lahpyin rau

  Apai jinghpa hpyau

  Ji myi mu shada la-ra na

  Nat na nang manang shada hkungga na

  Gumgun shada la-ra

  Gumhpai manang e hkungga na

  Jahpo hpom jahpang hkyom

  Hpoli ningdung lina

  Mahkan sainu shan

  Gawun gawa hteng

  Gumgun ahpun e tu sa

  Laijum hkinjong e

  Magam ajang hkru sa

  Pyi wom shalat nu

  Nsa sinwa tsom shakat

  (Ya na lang bai matut hti ga)