诗歌 Numla ahkang hpyi ai dumsa ga - 景颇文化 - 景颇文-德宏民语文网

Jinghpo hpaji景颇文化

Numla ahkang hpyi ai dumsa ga

诗歌

时间:2018-02-12 10:19:02 来源:德宏团结报

  (Shata 2 pro 2 ya na do)

  Gumsi aja gumjat hpaga

  Gumno hpaga

  Pamung aja

  Pungwam hpaga

  Shihkam gumdang du

  Gumchyan lahkam gu

  Pumung mahku

  Dum yang numhko shatin shamu

  Pungwam mahku ningnan

  Murot ngoi galu

  Gumsi aja wom shalat

  Gumno hpaga tsom shapat

  Wa jot ahpang wom shalat

  Wa ya matan hpang tsom shapat

  Wa hkrung lahkan

  Yu wom shalat

  Wo

  Ganam shinggyim lu na masin dai

  Dinghkun mayu shatu lu na sai

  Gahpu ganau ga rum

  Mayu da-ma ga hkrum wa

  Janghtung jangta ga hkrum wa

  Aru hpaisau ga mayon rum wa na

  Ganam shinggyim

  Mayat maya lahkum wa lung

  Gumja gumhpra tingnyang wa dung

  Gagu lung ninghkrun wa lung

  Gamoi dung tingnyang wa dung

  Akun maka kap

  Dinghku maka htap bun

  Lat ningshong shangai

  Lapran kyingnang

  Ayut ninggum zinghkai yin wa pra na ra ai.

  Reng

  Wa jot hpang wom shalat

  Wa hkrung lahkan gumsi ja

  Gumno hpaga tsom shapat

  Shapat grup rai sai

  Wa jot hpang lau let

  Wa hkrung lahkan

  Gumsi gumno ja ya kyet yang

  Wa hkrung lahkan pyi n run

  Wa jot hpang pa n gun

  Atsong atsa gumsi gumno pyi n lun

  Dai go

  Gumgun ahpun wam

  Magam ajang n mai gram ai

  Wa jot hpang wa hkrung lahkan

  Ndo gumrin nsa gumhkyin

  Wa hkrung lahkan

  Hpodung non

  Hpohpang kron

  Hpodung guwai lun

  Hpohpang makai gun

  Gumgun magam lata ra

  Gumsi aja

  Gumno hpaga labang gra

  Lashum shot labang pot

  Gumgun hkring yu de tu shawang

  Hkingdat de hkru jahkrang

  Gumgun hkring yu de yi wang sa

  Gumhpai hkringdat de hkrang sai

  Reng

  Wa jot ahpang let hkum nyem

  Wa ya matan hpang kyet n krem

  Apyi apa go

  Ganam shinggyim lu na hte run

  Dinghkun mayu shatu lu na hte pyi run

  Gahpu ganau ga rum na hte pa gun

  Aru hpaisau wat wang

  Ningmun gasa sat hkrang

  Dinghkun mayu shatu lu na hte pyi run pa

  gun

  Shi lam laijum hkun lam laika

  Mashun gung-rong ga-u

  Muwat hkringhtong gatu na hte pyi run

  Lu hkritung mu sha hkriwang ginshang shu

  wa jot hpang let

  Wa ya matan hpang kyet

  Wa hkrung lahkan gumsi ja let rai hkum ny⁃

  em

  Hkring yu wun htang

  Hkringdat ngin htang

  Gumgun hpun lung shanang

  Magam ajang dung magang ngin

  Wa jot hpang lu magup bu

  Wa ya matan ahpang chyu ninggau jasu

  Gumsi aja la gumno hpaga sha

  Ninggup bu ninggau jasu

  Gumsi aja let hkum nyem

  Gumno hpaga kyet n krem

  Gumjat aja

  Gumhkrang hpaga kyet n krem

  Wa hkrung wundo shawang go shawang

  Wa sa jahkrang go jahkrang sai

  (Ya na lang bai matut hti ga)