Jinghpo hpaji景颇文化

Numla ahkang nhpyi ai dumsa ga

婚礼懂撒话

时间:2018-01-12 17:17:45 来源:德宏团结报

Wunpong shayi ni tsom la ai. (Dem ai: Alat Gun Ong)

  Laijum gumgun

  Laika lupdo gumhpai ahpa

  Magyit gaji

  Wugang Mu Nu Hpan Ninggon Du

  Sabrup rumdung ngat

  Wugang rumdung ga hkringdat

  Sabrup rumdung nge rong

  Wugang rumdung ga htong

  Wugang Mu Nu Hpan Ninggon Du

  Ginli Mu Nu Ginsang Du

  Wugang Ninggon Du e

  Shawa Ninggon Mu Nu e

  Latsa bubat e jau ai

  Ganam shinggyim lu na lun nit

  Dinghkun mayu shatu lu na ya lun sai

  Ganam shinggyim hkrai shalu in nga rong ai

  Dinghkun mayu hkrai shatu en pra rong ai

  Ganam shinggyim lu na lun

  Dunghkun mayu shatu na ya lun nin

  Mayat maya lun

  Gumja gumhpra

  N gyi chyinghkyi

  Shayi shingwoi

  Shadang ninggang

  Nhprong nhkyeng

  Shadang aja

  Shayi hpaga lun

  Wuhku wula sut lun

  Hkringyu ding yang

  Hkringdat rumta dumpyang

  Hto

  Gumgun ahpun sa lung

  Magam ajang tingrai dihkro sa dung

  Hkringwa ga sa lara

  Dumsa ga madat lasha sai

  Reng

  Wugang Mu Nu Hpan Ninggon Du

  Hkringyu yup

  Hkringdat grup hpa nga en non

  E

  Hkringwa ga non ai go ya du na

  Dumsa ga hpron ai go yat su sana

  Wugang Mu Nu Hpan Ninggon Du

  Gumgun lashing nyit lara

  Hpan Ninggon Du

  Lahkun htit madat lasha sai

  Daining ninghtoi e

  Alon Mali lon ala

  Sam zet ma mahkon ni

  Amoi

  Awun htongshi ningnan shen

  pyitdai alat ningnan pyen ko en

  Dungnga ninglen myit mang

  Sa nga ningnong myit tsang

  Hkom nga ninglen myit yu

  Dungnga ningnong myit lu wun

  Daining ninghtoi go

  Ganam shinggyim mi shalu yu na ngu

  Dunghkun mayu shatu na ngu

  Balam mai ya

  Gauru rumdung doi

  Gauron ningmong soi

  Gauru rumdung abut balam wang

  Gauron ningmong ahkat jinghkam ai me

  hkrang ngin e (Bai matut hti ga)