Jinghpo hpaji景颇文化

Matsing hpa hpaji jo ga matsun maroi

民间故事-记忆方法

时间:2018-01-12 16:10:14 来源:德宏团结报

Lam hkom yang masha a lapran hku n lai ai hta n-ga, lam ko shing nrai chyinghka lam e masha hpe shingkra nna n tsap ma ai, maga mi san rai tsap shing n rai hkra maga tsap nna pru wa ai, shing nrai lai wa ai ni hpe shalai dat ma ai. Masha hte hkrum ai shaloi masha a gahpa ko majoi n mai sa adup abuk ya ma ai. 

Num gasha ni shing nrai num ni, n-gai dingla, masha gana shing nrai masha a man e lai yang labu hpe ding nyom kau nna gum nna lai ma ai. Dung yang lago hpe majoi hte lakrang da nna n dung ma ai. Lam hkom yang lago lahtin de shanang nna dun dun nga nna n shingdit hkom ma ai. La ni jahpot e num ni rai n rot yang rot ra ai, num ni shat shadu n dip kau shangun ai rot mat ma ai. 

La gaja ngu ai go dai zon num ni hpe shat shadu n dip kau shangun ai hta n-ga, num ni a labu gata hku n mai lai ai, num ni hpe tinang a dun ko n mai wa gabye ginchya shngun ma ai. Labu palong hkrut yang num ni a labu palong hte la ni a labu palong n mai gayau gashin ai, dun ye yang yat yat sha sut sut rai ye ma ai. Ding ye hte masha hpe n mai hkra ai. La ni a nhpye n-ga hpe num ni majoi n mai mano masop ya ai.

Abu awon sa yang, bunghkong gata hku n mai gale ai, lama gale na rai yang, ntsa de mayen no mahtoi shalai nna lai ma ai. Shat simai hkot yang galang sha n hkot ma ai. Galang sha hkot ai go lani mi na nhtoi e she re. Lu ai nga nna n gadap matsan ai nga nna n hkrap ma ai da.