Jinghpo hpaji景颇文化

Ngai chyenan sha shang gayat ai

我只是通个电话而已

时间:2018-01-12 10:25:19 来源:德宏团结报

  Ya she, ndai tsomhtap ai, wanglu wang⁃ lang re, gadai ganing ngu nan n chye tsun ai myu hta, shi go gade daram matsan mayan, garen gari hkrum nga ai hpe myit dum nna, ndai ko shi prat tup raitim simsa nga pyo lu na lam n nga ai hpe chye nu ai. Shing rai, jahpot jau jau, nta na nyau hpe shat jo kau ai hpang, chyat machyi nga ai sinda ko ta hte dip da rai, Ma Li Ya hpe malap kau na hku myit da-ting kau nu ai.

  yit da-ting kau nu ai. Sai hten tsirung ko du shang mat wa ai aten shata lahkong rai wa tim, Ma Li Ya dai shara hta nga rai n man nga nu ai. Shani sh⁃ agu na lu sha mung hkyuk htong na zon yom la nga ai, shat sha lang ai bagan zun ni yong hpe hpun hte shachyo ai saboi galu ko hpri sinyu hte gyit dun kau nga ai. Shat sha ai shaloi Fulang Ge hpyendu wa a sumla hpe sha mai azi yu ai, shi go ndai agatsi nyip nyip nga ai shat sha shara na madu rai nga ai. Nnan do e shani shanang na mana mu zon re makam masham kyu hpyi lamang hpe Ma Li Ya grai n kam lom nga ai: Manap kyu hpyi, shakon kungdon, shana de na kyu hpyi re ni hte kaga makam masham lamang ndai ni, lani mi na aten hpe ganoi shama kau nga ai. Bolung pa ko bolung n kam gasup nang ai hta n-ga, nampan atu galo ai mu mung n kam ga⁃ lo nang u ai, kaga myit ana lu ai num manang ni go grai myit lom kyetshop ai hte galo sha⁃ jang ma ai. Raitim, laban bat masum ngu na hpang kon, Ma Li Ya gaungui ngui rai, sai ht⁃ en ana rung ko nga man wa nu ai. Tsi sara ni tsun ai hte maren, yong mayong go shing rai hpang wa ai hkrai re, galoi mi rai rai, jahtum e ndai hpung ko shang na chyalu sha rai nga ai.

  Malut a lam hta, nnan e Ma Li Ya go shanhte hpe yu sin ai num langai ko manu grai grai hpu ai mari lu u ai, rai yang hkum ko gun ton ai gumhpro gachyi mi dai jai lang ma ai kon, malut kut nna bai chyum nga sanu ai. Myit ana lu ai machyi masha kau mi maza mala bum hkan na malut do ni hta la rai, ma⁃ du hkrai shi laika maisau hte gayom lu ai hpe yu la nhtom, hpang e madu mung shingdi n-gup masu u ai, hpa majo nga yang, shi malut lu mayu ai myit hte chyenan hpe shani shana myit marit mada ai lam maren sha rai nga ai. Hpang e, nampan atu galo nna lu ai gumhpro gaji gajo mung chyahkring chyah⁃ kra malut kut ai tanglot mai shalai nga lu ai.

  Grau nna n lu hkam sha ai go garen gari nga ai shana rai sai. Masha lo malo shi hte maren, asin amun nga ai ningsin gata ko hprang nga ma ai raitim, gadai mung shamu shamot n rai gui nga ai, hpa majo nga yang, hpri zosi hte sinyu gyit la ton ai chyinghka lam ko, shana mung masha sin nga ai. Rai yang, lani mi na lana mi hta, Ma Li Ya kro⁃ dung salum na dip da n lu ai ayon a majo, makau na jan hpe yat sha:

  Grau nna n lu hkam sha ai go garen gari nga ai shana rai sai.

  Masha lo malo shi hte maren, asin amun nga ai ningsin gata ko hprang nga ma ai raitim, gadai mung shamu shamot n rai gui nga ai, hpa majo nga yang, hpri zosi hte sinyu gyit la ton ai chyinghka lam ko, shana mung masha sin nga ai.

  Rai yang, lani mi na lana mi hta, Ma Li Ya kro⁃ dung salum na dip da n lu ai ayon a majo, makau na jan hpe yat sha:

  “Tsun ma yang ndai ko go Moa masha ni a shara re da.”(Labau hta Saping a dingdung Ahpriga dan de nyen shang wa ai Yisilan jau hpung ni) Tsan tsan de nna shaga pru wa ai nsen langai, nhku ting hpungtang gasho nga ai,“Dai go teng na re, yinam ta shata jan mai ai shana, panglai makau hkan gui wau ai nsen na ai.”

  Chyinghka lam de hpri sinyu chyinghka na zo ko ahtu ai nsen go, sumpan li gaba rot hkyem ai shaloi na zon nga ai hte, chyinghka agajong sha hpong rai sai. Yu sin ai num jan yup gok ting yu hkom nga nu ai, nbang kon npan hkren azi hkom nga sai. Agatsi zim nga wa ai ai ten hta, Ma Li Ya go mungkan hta shi hkrai sak hkrung nga ai zon ngu hkrit gari to nga ai, hpa majo hkrit ai go shi hkrai sha chye nga lu ai. (Ya na lang bai matut htyi ga)