Jinghpo hpaji景颇文化

CHYINGHKAI NU A MA TSUN

慈祥的母亲

时间:2018-01-02 16:59:48 来源:德宏团结报

  Marit sama shawai nga ai Hkon Tsom shayi. (Datbung dem ai: Alat Gun Ong)

  (Shata 12 nhtoi 27 ya na do)

  Tauba nsen de hkum sa

  Na-hkun matsun nna laimat wa u

  Wan shi mong ai mu jang

  Myidi chyi di laimat hprang

  Ningtuk ni nang hpe hkui nga

  Nang sari sadang sadi nan dung ra

  Shanhte nang hpe gyem nga ai

  Sadi maja zet let nga ra sai nang hpam ni nang hpe asoi

  Jan shingkang kata e nang makoi

  Ningsu nat nang hpe hkan madoi

  Makoi n mai ubadi tara hte soi

  Ko chyang ni nang hpe shalen nga

  Sadi hkam sari sadang madun ra

  Bok hpro ni nang hpe mahtan nga

  Mahtan kumhpa gabai kau ra

  Lachyit shayi nang hpe hkan ten nga

  Gayin ahpre di kau da ra

  Hkyen tong ningtuk nang ko du

  Ahtong gabai kau u lu

  Bo gumwat jan nang hpe nyem

  Ninghkapb chyinghka lau dinghkren

  Ako htoi roi not rai wa nang dung ai lahkum hkum yen ya

  Ningtuk ni go ningsu shayi

  Nang shanhte hte hkum shaga manyi

  Shanhte galang gyi ana lu

  Aizi ana shanagai ganu

  Ningsu malut n mai lu ya

  Dai ko manon masham bang ton da

  Molam ni jo ai chyaru hkum lu

  Hkungga la-ra hkum shadu

  Sanseng chyoi pra ai hte nga

  Hpaji janmau lu gup hkra

  Ndai zon sadi shakut sa wa

  Shaloi ngai ningnu myit dik sai!

  (Ngut sai)