Jinghpo hpaji景颇文化

CHYINGHKAI NU A MATSUN

慈祥的母亲

时间:2018-01-02 16:03:31 来源:德宏团结报

  Goi lo...

  Nu tso ai gasha Brang Seng nang

  Daining asak 15 wa shang

  Nang go nu a masin salum

  Nu ma hpe aten shagu dum

  Shingrai nu ma hpe matsun na

  Wangze shara de hkum hkom sa

  Dingbai dingna maja ra

  Lashoi kya ai anga hkum tai

  Awu asin koi ra ai

  Tut e sadi maja let nga pra

  Ningtuk hkungga n tai na

  Kani numshang nang hkum tai

  Ka-ni nban tai n mai

  Sari sadang hte shakut sa

  Ka-ni balen hton kau da

  Madu shut ai lam nga yang

  Nyet kau nna hkum ningdang

  Lalik lamang manghkang hkum shapro

  Ding hpring wa tai na zai gado

  Kun dohpum tai na yo shada

  Nhprang myit hpe shabon shawon ra

  Dailun ramrot tai ra na

  Wa-mung hpu-on tai let pra

  Gup daru janmau hpe gup

  Tuk ka-ni hpe gasat anut

  Tuk kani hpe hkum mahtan madoi

  Ningtuk mahtan yang madu a maroi

  Tuk ka-ni lu sha ai masha

  Mungkan shingkot ai ja bang ra

  Tuk ka-ni lu htu sha yang

  Wanyen gashot sak hton ai ko ang

  Nta lakang langai sha no rai

  Htauli htaula myit ra sai.

  Laika hpaji ningsam lat

  Hpaji usa jan mau jat

  Tuk ka-ni hte myit hkum shalan

  Htani htana sadi hkum hpyan

  Ka-ni kachyi mung hkum chyam dam

  Sa chyan yu jang gadong bang

  Chyim yu jang go kap mat sai

  Gade lang don tim n hkoi ai

  Galang sha lu tim kap mat chye

  Ka-ni go na hpyen wa re

  Shi hpe sumsai hkum do la

  Shi go si du a dat gasha re

  (Ya na lang matut hti ga)

  Bumga shingra lungton. (Datbung dem ai: Alat Gun Ong)