Jinghpo hpaji景颇文化

Hpun ntsa na nga

诗歌

时间:2017-12-04 15:27:48 来源:德宏团结报

  Mangshi myu (Dem ai: Ma Chin)

  Hpun ntsa na nga mai shapyan let

  Gong shingyan shalan

  Nsen bre bre

  Amyi le le

  Shagrin ton ai myisha n nga

  Nampu hte shata go koi yan

  Ngai ndai zon re lam hpe sharong ai

  Hpun ntsa na nga lahpyo grai chye dum ai

  Sinda sin-gyen wa mi n rong tim

  Ngai ndai bo zet la ai

  Ahpun in wam wam samui hta hkam chya ai shaloi

  Nga go hpun hpe lau di nga gayat

  Abo shadap let chyang u nga

  Shi go ja ja hka she laku nga ai

  Myi prui she hte rai

  Hpun ntsa na nga hpun hte gumchya nga

  Nbung la nna hpungyot hkom

  Hpun go ganang woi du na n chye

  Nga a sharat na jang hpun no hkrung ai chyenbung mung no hkrung ai

  Ngai mung no hkrung nga ai

  Ngai n sharam ai ta wak she wak

  Shara magup go buga re zon non

  U go hpun ntsa hku pyen lai

  Hpun ntsa na nga mung pyen mayu

  Shan hte nbung ko chyalup nang

  Hpun e gang nhtang

  Hkrak nan nhtang ai go ahpun shi

  Ahpyi nga ai nsen nye sindai hku ahtu lai

  Ngai shanhte a atsam hpe n tsen ai

  Shanhte go u min bo mung n rai

  Mayu na numchying mung n rai

  Lama ahpun nga n shabrat jang

  Lama nga ahpun hte n chya jang

  Lama ahpun ko nga n noi jang

  Ngai go hpa mado ahpun re n chye mat na nngai