Jinghpo hpaji景颇文化

DINGSHON MARONG JO AI DUMSA GA

进新房赞美诗

时间:2017-11-05 21:27:03 来源:德宏团结报

  Hpulam latsa n rip

  Ali ningchyi

  Ana ahkya

  Hpugun hpulam hte li ninglai

  Asin jo hkritung du

  Kumbang wuya jahpro

  Marang ram shingkang hkam

  Wuhkrung ndo wom shalat tup rai sai

  Hkringwa wuhkrung ndo lau let

  Sin wuhkrung ndo let la

  Sin wubyin mazing la

  Wuhkrung ndo Asin wubyin lut wujup mai

  Wusoi wusa gumrin

  Wubyin guwoi lun

  Wuyom mahkai gun

  Gajai marong hkringyu tu wang sai

  Wuhkrung ndo no let ninglai

  Sin hkringyu de

  Shi ning wa rem

  Hkun ning go lamun

  Ahting go ring wumai wusa

  Sin hkringyu de latsa ning wa rem

  Mado ninghtan asut

  Ningnan nta go lamun ning wa chying

  Wuhkrung ndo let ninglai malun ga

  Hkringwa hpajang wuju manat

  Wubong singkong wushong shan madat

  Hkringwa madat yang

  Asin jo n du na hkrit

  Marong wuya jahpro marang n ram na myit

  Lali hkringwa wubong singkong

  Wushong shan madat yang

  Wuju sangau mong na myit

  Asin wuju sangau gumrin

  Wuju sangau manyi

  Hkringwa wuhkrung ndo lau lat

  Dumsa wusa sat mahkoi n hpan

  Gajai marong nang

  Wuhkrung ndo lat la nu

  Marai dinghkong Wusa sat n hpan

  Moi na chyu madat n da

  Wuhkrung ndo gadai lat

  Mado gong ninghtan shingmang

  Reng larau sek lasau

  Wudu gadoi wubong gamoi

  Wuhkrung ndo lat wusa sat

  Wusoi ngut wusa gumrin

  Wupron atsi matut

  Hkakyu ningshan hkang gamun

  Wusoi ra wusa go gumrin

  Wubyin guwai lun

  Sin hkringyu tu wa shawang

  Gajai marong

  Wuhkrung ndo let garai hkum krem

  Hkring yu en htang

  Hkinchyi mado sa lung ahpang lu

  N-gup bu Wubong singkong shan hkut ningda

  Wuju n shana

  Wumun apun Wuju shangut

  Wuhpyin wuhpya ashai

  Hkinjong lamyin wan

  Shadu jahkut

  Hpoda mazing

  Hpodung ngan

  Hposi hponan gahtap

  Magum manrap

  Hkinchyi lakran tu sa

  Alu dumhpong tsom

  Wujot hpang

  Matsi machyan Laman gungseng mazing

  Marong htot lu shading

  Hpoli ningdung gayop

  Wujot hpang dat jahpring

  Kumbang jahpan ne tu sa

  Wujot hpang ndo wom nu

  Wubong singkong shan

  Lu wom shalat sha

  Wuya matan hpang nsa tsom shakat la

  Hkringwa ga gahtap hkum la

  Dumsa ga ganap n ningda sai

  Lu shalat nang la

  Nsa shapat nna lu

  Wubong singkong shan let

  Pyi lun na nu ni

  Pyi lun n lan

  Pa gun n hpan

  Hkinchyi mado wom na kun

  Kumbang nhpang nge tsan na kun

  Moi na chyu madat n nga

  Apyi apa go go-lamun htingshon

  Ahting e ring

  Ningnan nta e chying na hte pyi run apa gun

  Shamon ngu wun run lagong ngu wun gun

  Pyi la pa sha

  Marang ram shingkang hkam

  Gajai marong lu dungyong lun nsa gun

  Hkinchyi mado shalat rot wa

  Hkringyu dingyang sin hkringyu wa yup

  Hkringdat grup latsa lamun ning gajai marai n ra

  Shakon kungdon n hkra na ya wa lan

  Gajai marong hkringyu asin nga

  Hkringdat alang ga Ajan long

  Maju sumgon hpong nga sit e...

  (Ngut sai)