Jinghpo hpaji景颇文化

HTINGBRAN PRU AHKANG HPYI AI DUMSA GA

诗歌

时间:2017-09-25 10:49:50 来源:德宏团结报

  (Shata 9 nhtoi 20 ya na do)

  Manap chyinggap wugoi ninghtoi lam wan na

  Shangui yan Ali ningchyi rip

  Hpugun hputlam dan na yan

  Hkahku sin marong ndo rip

  Hpungdim yo-nam ndo rip

  Htongshi htongchyan nsa dip

  Ningdat zingro shangui yan ganom tup rai sai

  Hkringwa ningdat zingro lau let

  Shidong wunli lup let ya na

  Ningsang Banang La

  Ningdat zingro no wom shalat ya

  Akun lat wa Dinghku pat wa

  Rong marong hpong mahpong

  Mali La Gatsen Ma ni

  Htongshi htongchyan

  Shat lu mu ra

  Akun sumri ngang

  Mado ninghtan gong lat

  Didun wanwut shingmang pat wa

  Shayi ago ra

  Shadang gan gaja wa

  Sinpro sinna abut wang

  Hpaga dingga lam ahkat hkrang

  Lamun ngaubong ngauyo lam hku wa

  Latsa ngaubong shingnum lam manu wa

  Myit ai hpundon du

  Don nai ginjang lam manu

  Son nai lam donda

  Myit dai lam hkronhkra

  Ahting galo Gumgun sin lau

  Gumhpai makam gyau

  Magong nga hka ningdat zingro wom shalat tup

  Ningra kumhpa tsom shapat grup

  Hkringwa ningdat zingro lau let

  Shidong wunli lup ya let ya na

  Ningdat zingro no wom ran shangui ya

  Hting galo lam ningsu ningnon na ran shawan

  Sharem yu ninggong pru

  Ningnan shajo lam shingdang na ran shawan

  Manap chyinggap lam wan na ran shawan

  Ningdat zingro yu ran shawan tup rai sai

  Hkringwa ningdat zingro lau let

  Shidong wunli lup ya let ya na

  Hkringwa lang ningdat zingro ndo

  Ningsang Banang La

  Hpodung non hpohpang kron

  Gumgun lata ra

  Gunhpai labang gra

  Gumgun hkringyu de wa shawang ya

  Gumhpai hkringdat de hkrang sai

  Ningdat zingro let pyi run na nu ni

  Hkringwa e

  Ningdat zingro pyin lun pa n gun nai

  Ndo dingyong gun jahkrang

  Latup lahtong shingrit shingrau

  Ningdat zingro apyi ding yong

  Mahkri share byimung lahkum shinyem shalet ya na

  Apa dumhpong sumtsang ba-nong

  Tingnyang shinyem shakap ya na

  Apyi shanyem apa shagyem kata ko

  Htingga lo lam manu sai

  Mali LaGatsen Ma ni ye

  Shining hkun ning

  Lamun latsa ning gun n nu wa lan

  Hpai n tsu ai hpan

  Htot lu rem htot tsang hpyem ni ye

  Shani gun ding yang

  Shana hpai dumpyang

  Gun n nu hpai n tsu

  Ningdat zingro ndo dingyong lun

  Mahkri share shanyem rot wa

  Shigyem htot wa

  Hkringyu ding yang hkringdat dumpyang

  Hkringyu wa yup hkringdat wa grup

  Gumgun hkringyu asin nga

  Gumhpai hkringdat alang ga

  Hteme htaphtau

  Wa rungga dung sit e...

  (Ngut sai)