Jinghpo hpaji景颇文化

Achying htingrong (nta)galo ai htunghking

房屋建设的习俗

时间:2017-09-25 10:46:40 来源:德宏团结报

Marit maroi moi na Jinghpo buga mare nta ni wa. (Sara Hprup La San shalai ai, Mr. Green a dat bung)

  Nta galo ai htunghking lamang lo la ai, ndai laika ko go ahkyak dik ai htunghking hkringhtong lamang ni hpe shong ka da ai. Moi na nta galo ai htunghking lamang ningdo ahkyak ni hpe ka da ai. Ngau sat ngau la ai ko nna nta galo, dingshon shang numju ju ai ko du hkra sok ka da sai.

  1. Ngau La Ai Lam

  Jinghpo Wunpong myu sha ni go, yi-nam tong wa nna ginhtong lado du wa ai mangai ta e, nta ngau la shachyip ma ai. Ngau la ai shaloi aram tam nna nam de ngau shong sa sat da nna, aten ninghtoi lagam masat nna bai sa galo satsom da ma ai. Satsom da ai hpang e, ngau ni hkro preng tsom sai hpe nta galo na htingra de aga so nna wa hpai lajang jahting la ma ai.

  (1) Sharem n-go la ai lam

  Greng ai bo hpun preng galu tsom ai hpe la ma ai. Dumsa ga ko go lahkru ninggong hton ai nga ai. Raitim anhte ni dep ai shaloi go maibau hpun ni hpe mahtang grau lang ma ai. Maibau hpun go preng galut som nna hkro jang tsang mung tsang nga ai. Aram tam nna shong hkan tam lang sat da nna ntsin loi htong wa ai hte bai sa hprang satsom nna shajup malan shapreng da ma ai. Shingrai hkro jang ngau hpai ga so ai shani masha n-gun ja ai lolo sa jom abom nna sa hpai la ma ai. Numgo langai go nta dap lahkong masum a lahta de galu la nga ai.

  (2)Shado ga ai lam

  Numgo do,sharem do, masan do, dohka do ni hpe galu de masha masum mali htang galu ai, gaba tsom ai, shingtai nau n sha ai, ja kyin ai bo hpun sa lang hprang satsom la ma ai. Numgo do hpe npan nbang masat nna tingse do dohpum do ni mung no masat lata satsom da ma ai. Npu de na dosha ni hpe go sanya hpun zon re ngang go ngang nna gala yang ga pyo ai bo hpun hpe sumprat dat nna lahkak sumdu ni hte abyen gala nna galo hprang satsom da ma ai.

  (3) Lapa la ai lam

  Lapa hpe mung pyeng tsom, galu tsom ai hpun ngau gaji hpe tam kran la nna galo hprang satsom shajup shapreng shakap jahkro da rai, hkro jang ga so nna hpai jahting la ma ai. Hpreng tsom ai nam kawa tong mung lang ma ai.

  (Ya na lang bai matut hti ga)