Jinghpo hpaji景颇文化

JIWOI DUNG KUMBANG DINGHPONG KUN DUNG SARI SADANG RONG

当好接班人

时间:2016-12-31 10:58:12 来源:德宏团结报

  E

  Shinggyim nau na ni e

  Myit yu mang yu rai ga le

  Wunpong ni a hkungran poi

  N-gon htunghking hte she hproi

  Amoi laika n lu

  Alik hpaji n gu

  Ka jo ka ya n rai

  Sa hpyi hkungran ai hkrai

  Kumbang lai in hkungran la

  Kumbang dung in kun de la

  Shawang hkauda hkungran shakap

  Gade nna yang akun hkrak

  Shayi shadang yan shada n chye da

  Hkungran poi hta she shachyan la

  Gaya koi gam let she shaga

  Gaungui ngui she hku hkau wa

  Shayi shadang kumbang dung

  Sari sadang kumbang lu shanum

  Hkungran woi dung kumbang lai

  Labau hkringhtong shi n hprai

  Numbrau brau ai shayi ni

  Mali dung shata bai wa hti

  Numbrau brau ai na mat wa

  Kumbang nhpang de bai wa

  Kumbang num rai sangai nga

  Kun dinghku shachyip bang wa

  Ja sut kan shakut bang lahtang hta

  Kun dinghku grai ngang kang nga

  Jiwoi dung kumbang dunghpong

  Kun dung sari sadang rong

  Kumbang dung shingwun gata

  Pung hprong pung long rai grin nga na

  Daini na hkungran lak mat

  Akun hka ai laika masat

  Dinghku hka ai ni lo she lo wa

  Alit shali ai lam rai nga

  Maisau lap hpe hpa zon nnon

  Madu a hkum hpe madu hton

  Hka ai nga yang myit maku do

  Prat tup myit madang n hpo

  Daini na Jinghpo Wunpong sha

  Makam masham bo hkum sumhpa

  Hpa bo makam rai yang rai

  Kumbang lai go n mai hprai

  Ngai ndai hku mi myit lu

  Nu wa yong hpe aga so jasu

  Yong she jom myit ga

  Htunghking lam hta lit jom la ga