Shiga masa景颇新闻

Mungdo ting na moru tsin-yam sadi maja hkye mawai Magam mu dat sumla hkrung zuphpong hpo hpong lai wa sai

卫岗主持召开全州抗洪救灾工作视频会

时间:2020-07-22 15:30:26 来源:德宏团结报

  Shata 7 nhtoi 19 ya shani, mungdo rapdo mu madu ningtau, mungdo up Wui Kang woi hpo hpong ai mungdo ting na moru tsin-yam sadi maja hkye mawai dat sumla zuphpong hta, mungdo, ginwang(Myu) shagu na moru tsin-yam sadi maja hpareng dap, seng ang rung dap re ni moru tsin-yam byin ai masa madat mara la ai hpang, moru tsin-yam sadi maja na bungli hprai dat sai.

  Shata 7 nhtoi 18 ya shani, Sakhkung mungdo ting hta marang gaba htu nna, ginwang(Myu) shagu moru tsin-yam byin nga ai. Yinkyang ginwang ko grau nna laja lana re moru tsin-yam byin lai wa sai.

  Wui Kang zuphpong hta tsun lajin dat ai, moru tsin-yam hkye mawai bungli hpe rung dap shagu na ni lit la ai hku galo ra ai hte rau, mung shawa masha ni a asak sumri makop maga na bungli hpe madung dat nna galo ra ai. Langai go hka hkong hka la atsom mase kau ra ai. Hka yan hkan hka pat mat ai lam n nga hkra mase kau ra ai hte rau, hka nong gaba htep lahti rai yu hkang ra ai. Lahkong go sharut gyi wa na hpe sadi maja ra ai. Masum go tsin-yam manghkang byin wa na hpe jo hkra maram yu nna, hkye mawai bungli du du galo ra ai. Mali go bungli woi hpareng ai lam hta n-gun mi alu rai galo ra ai. Manga go nga shara htot ra na zon re masa nga yang lawan woi htot kau nna, bai go gap bungli hpe htaphtuk hkra soi sing ra ai. Kru go yi-ngam ko masha dingyang nga ra ai hte rau, shiga hko shabra ai lam hta tengman ai lam shana dan ra ai nga ai.

  Mungdo rapdo dinggrin sa- lang, dinggrin lit gun mungdo up ningtau Ma Yin Fung, mungdo asuya pati hpung salang Lo Hung Yi, mungdo moru maja hkunhkro htang hpareng dap hte mungdo seng ang rung dap hkan na lit gun ningbo ni zuphpong sa lom ma ai.Ginwang shagu hta zuphpong shara san ton ma ai.