Shiga masa景颇新闻

Mungdo mungchying sha gasa zuphpong gaba ni nlo amyu alak re gahtong mare go maden lam sa jep maram hkom ma ai

州人大开展少数民族特色村镇建设工作情况调查

时间:2020-05-21 16:10:11 来源:德宏团结报

  Shata 5 pro 6 ya ko nna nhtoi 11 ya du, mungdo mungchying sha gasa zuphpong gaba ni nlo amyu alak re gahtong mare go maden lam sa jep maram hkom ma ai. Madung go dinghkung mu madu Si Gyin Hpyin Yinnan ko sa jep dup ai shaloi tsun ai ahkyak ga hkan galo shatup, mungdo ting na nlo amyu sha ni a alak mi re gahtong mare makop maga ai hte majan jat masa, akyu yi-ngam, machyim ni dam lada chyechyang ton nna, anhte mungdo na nlo amyu sha alak mi re gahtong mare go maden mu grau hkrak ai hte htu sit sa wa na matu rai nga ai.

  Jep maram hpung ni Mangshi, Nshon, Yinkyang, Lengho ginwang hkan jep yu hkom, muhtam lam shon shana dan ai madat mara la, nlo amyu sha alak mi re gahtong mare go maden masa, madung akyu yi-ngam, ra rong manghkang hte muhtam myit lu lam ko shing-rau nna jep dup maramyu ma ai.

  Shata 5 nhtoi 11 ya shani, jep dup marm hpung ni Mangshi ko mungdo asuya ni muhtam lam shana dan ai madat mara la, sengang rung dap lit gun masha ni hkan shana jatrai ma ai.

  Mungdo mungchying sha gasa zuphpong gaba mu madu ningtau Tung Chin Pau shon shana hpong sa lom ai hta n-ga, mungdo ting na nlo amyu sha alak mi re gahtong mare go maden mu hpe tso htum masat shagrau ya rai u ai. Shi tsun ai, atsang shagu pati rapdo asuya ni nlo amyu sha gahtong mare go maden mu hpe tsohtum yu jahpu nna, jau jau soising htu sit, makop maga, ponghpon majan jat, asuya ni reng madun, hpong shingra ting hkan lom, mung shawa masha ni akyu hkam sha lu sai nga ai.