Shiga masa景颇新闻

Jahpang gat mare hta asin hkrat nna ja sutgan ri 1.9895 sum hkrum mat nga ai

遮放镇遭遇冰雹袭击

时间:2020-05-21 16:03:20 来源:德宏团结报

  Shata 5 nhtoi 12 ya shana de hkying 6 daram hta, Mangshi Jahpang gat mare hta agajong sha nbung laru wa, marang gaba htu, sin gaba hkrat rai nna, mare salang rapdo 7 hte hpaga dap 2 ni tsin-yam hkrum nhtom, shawa masha ni a dum nta hte hkainu, naimam, malut, noikrat re hkai nmai ni sum hkrum mat nga ai.

  Tsin-yam byin ai hte, gat mare pati rapdo, asuya ni ram ram maju jung nna, tsin-yam jep yu hpung laksan shabyin nna, hkauna pa de sa yu, mare gahtong de shang gawan rai nhtom, ama hkam seng ni hte matut mahkai rai, tsin-yam hkrum ai masa ni sa yu jep hkom rai masai.

Nnan sha son ginhkyom yu yang, shata 5 nhtoi 13 ya shana de hkying 6 du yang, gatlok, hte Hu-mun,Hu-nong,Nongsi, Hula, Je-mau, Konglin mare salang rapdo ni a hkai nmai tsin-yam hkrum ai mu 8080, hkaimu htinggo 1650 du nna, ja gumhpro ri 1.9895 sum hkrum mat sai. Dai hta: Malut mu 5900 hte go yong ngu na n mai la mat sai, ja gumhpro ri 1.400 sum mat, tsin-yam hkrum htinggo 886 masha marai 3620 du nga ai. Hkaunu mu 578 du nna, ja gum- hpro wan 1.97 sum mat nga ai. Kumshu mu 1091, ja gumhpro wan 2.37 sum mat ai. Hkauna nam bong mu 221, ja gumhpro sen 2.23 sum mat ai. Nding galing si mu 198, noikrat mu 1025, kyenko hpun dinghkat 57, gaga hkai nmai ni mung no lom nga ai. Dum nta gok 40 grop mat, mu htam gok, jak rung nta re ni mung no hten grop mat rai nga ai.