Shiga masa景颇新闻

Sakhkung hpaji kolik jong ni ana zinli maja let laika sharin shaja nna yi-ngam nsi lu la sai

德宏职业学院疫情期间在线教学取得良好效果

时间:2020-03-20 16:28:43 来源:德宏团结报

  Sinwop ana nnan byin ai majo Jong laika sharin ai lam hta yak hkak lam byin mat nga ai. Sakhkung hpaji kolik jong ni go ginjo, mungdo gaba, madu uphkang mungdo a sinwop ana nnan htang maja lam hte seng ai matsun madun ga hkan galo shatup nna jong laika sharin ai lam hpe wanglo hku sharin sa wa nga ma ai hte maren, akyu gaja lu la nga masai.

  Shata 3 nhtoi 12 ya shani, shi sok masha ni Sakhkung hpaji kolik jong ko sa mu yang, jong wang gata asan aseng, agatsi zim sha nga masha gasu gamong hkom ai lam n mu mada nga ai, rai yang jonggok hkan sa yu yang kaga lai re masa mu lu ga ai, jong sara ni myit lom maju jung ai hte wanglo hku laika sharin nga ai lam mu ga ai.

  Jong sara jan tsun ai:Wanglo hku jongma ni hpe laika sharin ya ai lam go sara hte jongma ni a matu ladat nnan langai mi re, ten loi ya mi galo wa yu jang, sara ni man mat sai, sara hte jongma ni grai manu dum nga ai. Sara Yen Shi Ji tsun ai: Laika sharin hpung na hpu on Li Chun Hpyin tsun yang, shata 3 pro 2 ya shani sharin hpang wa ai rai yang, hpaji hpan shagu na sara jongma ni hkyi ye wuisin (Wuisin hku hpaga ga na hpaji), sho si htung, Jihuishu, Jigyau yin ngu ai wanglo ko laika sharin ya hpang wa sai, ndai zon ladat amyu myu hku nna sharin ya let jongma ni san ai ndum nhprang, nchye nko lam ni hpe si mani ai hku tsun htai hpaga dan nga ai. Yayang, jong ko hpo da ai wanglo laika myu hpan 458 go jong na ni sharin ya ai laika myu hpan 591 hta na 77.5% wa ang nga ai, jong ting na hpaji myu hpan gaba 38, jongma hpung 174, jongma 8328 ni wanglo hku laika sharin hkaja la nga ai. Jongma ni wanglo hku laika sharin ai lam hta Luleng gumhpro shagrit shayom ya na matu, jong ko nna jongma 8242 re hta na jongma langai mi hpe gumhpro lap 15 garum jo nga ai rai nna jongma langai mi shata mi na luleng G50 lu mai lang nga ai,matsan jahpan hta rong ai jongma ni go shata mi hta luleng G80 mai lang nga ai, ning re jong laika sharin ladat go ya prat jong laika sharin ai lam hta na pratdep hpaji myu mi rai nna gaja ai ladat nnan re mai ngu nga ai.