Shiga masa景颇新闻

Ana zinli htang tek maja ten hta kaga shara de bungli sa galo yak ai manghkang hparan ma ai —Lengho masha n-gun hpong shingra ama dap ni n-gun garan nna bungli sa tam galo na matu “Wunli lu ai datnu shingwang” maden ton ma ai

多措并举解决疫情期间劳务输出难题

时间:2020-03-20 16:27:33 来源:德宏团结报

  Ruyak madi shado magam mu aja awa galo shakut nga ai ten hta ana zinli hkron kap wa ai majo, Lengho ginwang ni nyan hpaji do nna htingra lado hta hkaimu masha ni hpe kaga shara de bungli sa tam galo shangun na matu ra rong ai mang- hkang hpe htep lahti rai hparan ya ma ai.

  Ginwang gabu hparan dap dap up ningtau, masha n-gun hpong shingra ama hkam dap dap up Chyang Shau Hui kaga shara de bungli sa tam galo hkyem ai hkaimu masha ni hpe matsun dat ai: Myu mare gaba hkan na hpaga dap ni bungli galo yang kyet ai ni hpe she ra ma ai re lu, aten ko hkrak bungli galo shara de du ra ai, hpaga dap na htung tara hkan ra ai, sa pyo chyai ai n re, gumhpro sa tam ai she re......

  Chyang Shau Hui ning nga ai: Ya ten hta masha marai 3000 jan sa kau dat saga ai, masha jahpan yong hta na chyen mi daram du sai....

  Ana zinli a majo bungli galo shara de bai nhtang na matu yak ai manghkang hpe, Lengho ginwang ni ana zinli htang maja let hkaimu masha ni kaga shara de magam bungli sa tam galo lu na matu, hpaji ladat amyu myu do nna shinggan de bungli matut ya ma ai.

  Chyang Shau Hui tsun ai: Ana zinli hkron kap wa ai hpang, gadai mung shinggan n wam pru hkom ma ai, Lengho ginwang ni hpaji ladat sho nna manghkang hparan to nga ai.....

  Maning moi ning ko nna raitim, Lengho ginwang ni hkaimu masha ni hpe shinggan de bungli sa tam galo shangun ai lam hta grai ahkyak la ma ai, 2017 ning ko nna, Lengho ginwang ni hkaimu masha ni shinggan de bungli sa tam galo yang ganing di matut mahkai ya na hpe chye wa masai, dai majo shanhte

  “Wunli lu ai datnu shingwang” maden ton ma ai. Chyu De Sho go Lengho ginwang ni Shanghai Zhinhpu ginra ni hte matut mahkai ai akyu htam shara na lit gun ningbo wa re. Shi go Shanghai ko dingyang nga ai.

  Lit gun ningbo Chyu De Sho tsun ai: Lit madung go gumhpro lu tam ai, gumhpro jo lu ai bungli tam ya ra ai.....

  Chyu De Sho bungli sa tam galo ai ni hpe bungli madun ai hta lai nna, nga sat nga sa lam hta mung grai hkan garum ai.

  Chyu De Sho ning nga ai: Shanhte a maru mayak lam lu hparan ya jang she, bungli lam shagu ndut ndang galo lu ai....

  Lengho ginwang ni bungli lam shagu hpe shong tau hkrau nna galo shajin ton ma ai, tara hko shabra, hpaji sharin ya rai, 2019 ning shata 12 du yang, ginwang do ting hta shinggan de bungli sa tam galo ai masha marai 38371 du sai, ruyak dinghku jahpan ko lom ai go marai 9370 re.