Shiga masa景颇新闻

Mangshi pyada dap ni 37 ning a shong e masha sat ai zangmu langai mu jep ma ai

芒市公安局侦破一起37年前命案

时间:2020-02-27 17:10:35 来源:德宏团结报

  Shata 2 nhtoi 21 ya shani, Sakhkung mungdo Mangshi pyada dap ni 37 ning a shong e masha sat ai zangmu langai mu jep ai hte rau, mara shut ntsen masha hpe mung rim ton sai.

  2019 ning shata 7 hta, Mangshi pyada dap Jahpang mung htingrep Hpaichuso hpyen la ni bungli hte seng nna jep sagon hkom ai shaloi grai ahkyak ai shiga na lu ma ai. Mangshi pyada dap pati rapdo ni bungli dai hpe grai ahkyak madung ai hku yu ma hte rau, mara mu jep hpyen hpung, mung htingrep gonhkang hpyen hpung, tara masat hpyen hpung, dat nbungli jinghkri gonhkang hpyen hpung, Hpaichuso re hkan na ni du lom ai laksan zangmu jep lajang hpung zuphpo ton nna bungli shang hpang wa sai. Laksan zangmu jep lajang hpung ni matut manoi jep yu ai hpang, 2020 ning shata 2 nhtoi 21 ya jahpot Dau ngu ai wa hpe rim kau sai.

  Pyada ni san shaloi, mara shut n tsen masha Dau ngu ai wa go 1983 ning shata 8 nhtoi 18 ya shana de si mat ai wa hte ga-lo hkat wa ai kahpang nhtang myit yu nu ai. Shi hka ma hkra dom kau ya ai, shi go ngai hpe ngai hka n dat ya ai, nang ngai e ganing wa di lu na nga nna share ai, shi nhtu hta la nna ngai hpe gahtam hkyem nu ai, ngai go shi a ladi hkan, amyi hkan htim ahtui ya se ai. Shi dum wa jang nachye hte ngai na abo ko shading nna bai htim achye wa sai, chyi hkrai chyi hkat jang, nachye shi ko hkra sai, dai shaloi sai pru ai go n mu tim, ngai hkrit gajong mat sai. Ngai mara sa hkam la mayu, ganang ko sa hkam na n chye ai, gade sa na mung n chye ai, lam gaba hku hkan nna, Manghai de du mat wa sai.

  Shi nhtang wa ai hpang pyada dap de mara n sa hkam la ai npot nhpang go, 30 jan ning ting lai mat sai go mara n jo na sai ngu myit la nu ai. 《Miwa mung mungchying sha gumsan mungdan mara tara》 nambat 37 hta ka da ai, ndai zon re zangmu go galoi ten du tim mara jo ai