Shiga masa景颇新闻

Funghpyin gat mare ni“Ana zinli tek htang ”let magam bungli galo shakut nga ai

风平镇“抗疫”生产两不误

时间:2020-02-21 10:06:09 来源:德宏团结报

  Ndai lapran matut manoi rai shi sok masha ni Mangshi myu Fung hpyin gat mare hkauhting hkauna hkan du hkom yang, ginhtong hkainu, malut, gyinshau si, no-kyu re ni grai asharong shara tu tsom jong nga ai sa mu nga ai.

  Ana zinli byin nga ai ten hta raitm, hkaimu masha lo malo go tinang a hkauhting hkauna de sa nna malut ko ahpun dat, hkainu hte kaga hkaili abong ni hpe magang satsom apom rai, lado ntam hpe atsom lu la na hku shakut nga ma ai.

  Na-mu ninghton Nonghkan mare hta, hkaimu masha Po Seng Wui nta ni go shanhte a ginhtong hkainu tu tsom ai hpe yu nna, ningnan lak hkai ai hkainu tsom ai hpe yu nna, atsom do dut kau nna galang bai ninghtang hkai na hku yo shada nga ma ai. Rai yang ndai lang na Wuhan konjong sinwop zinli byin mat ai majo gadai lauban ni n wa mari la ya na hpe mung grai myit hkrit tsang nga ma ai.

  Mangshi Funghpyin gat mare Manlu gahtong na shawa nta ko shang wa yu yang, gat mare asuya magam gun salang ni, mare buga gahtong hkan na mare salang ni, pati shang masha ni hte rau, ana zinli hpe ganing di htang gasat makop na, htingra hkai ningmai hpe ganing di galo sa wa na lam jom bong jahkrup nga ma ai.

  Funghpyin gat mare hkaimu akyu htam magam madu Don Sho Chung tsun ai: Fung hpyin gat mare ni daining na ginhtong hkai ningmai hkai ai eka mun 12 du ai re, hkainu, malut lap, yang yi, gyin shausi re hkai nmai hpe madung nna hkai ai re, ya yang ana zinli a majo gyin shau si hpe nlu dut shapro mat ai, dai ko nna go kumshu htang mung atsom n lu dut shapro mat ai, hkai da ai ni yong go ndai hting ra e myin kung ai bo hkrai re, n lu garot shapro mat ai, shingrai mung shawa masha ko grai wa-hkye hkra mat nga ai. Bungli ndai ni ko hkan nna, gat mare pati asuya ni ladat amyu myu sho nna lam amyu myu hku nna sa mari na hpaga dap ni, labau ni hpe matut lajang ya rai hkaimu masha ni hkaili atsom lu dut la nna shang gumhpro lo lu la na matu shakut ya nga ma ai.