Shiga masa景颇新闻

Lengho ginwang na hpaga dap nkau rung hpo nna gat lok gat rai dut jo na ama hkam ya lu sai

梁河部分企业有序复工确保市场物资供应

时间:2020-02-13 16:15:18 来源:德宏团结报

  Yinnan mungdo gaba hte Sakhkung mungdo a hprai matsun hta hkan nna, Lenghko ginwang na hpaga dap nkau ana zinli htang masat dodan hku nna jak rung hpaga bungli nkau matut shang sai,shingrai ginwang ting na mung shawa a galo lu galo sha, nga sat nga sa, ana htang shingdang hkum makop re hkan lang ra ai rung rai hpe ama hkam galo shapro ya nga sai.

  Wuhan sinwop ana zinli nnan ok pru wa ai hpang, Hung yin tsi galo shapro jakrung Lengho gungmani ni atsi hpe ama hkam ya nga sai, gungmani ndai ni go ana zinli ndai hpe grai ahkyak la ai hku nna lawan ladan rai seng ang ai ana htang atsi ni hpe galo shapro nga masai, dum nta Lengho ginwang e n rai nna jak rung de n wa manu ai ni hta lai nna Lengho ginwang gata na jak rung masha ni yong go kaga masha ni ana htang makop koi yan sa nga ai ten n hkring n sa ahkum dingnum rai ana htang makop tsi galo nga ma ai rai, jak rung ni ko nna mung bungli shang jak rung masha ni hpe ana htang makop na n malap ai sha, n-gup magap, ta laro, ta shin tsi re ni gap garan jo lang, ginra ana htang tsi gat, jak rung masha ni bungli shang wa shagu chyinghka lam e gahtet gatsi shadang hkap shadon rai bungli shang masha ni a hkamja lam hpe mung atsom makop maga ya ma ai.

  Lengho tsi jak rung gonhkang ningbo Shi Ho Min go: Anhte grai lawan ladat myit lom ai bungli galo wa saga ai, shata 1 nhtoi 26 hta bungli woi shang hpang ai rai yang, tsi sadek 8460 galo shapro nna gat lok ginra de na ana htang makop ama hkam lu saga ai re nga nna tsun ai.

  Shata 2 pro 10 du yang gungmni ni ana htang makop hte seng ai Hosangjinhkyi shui(藿香正气水), Hkyin fuiyiho gyau-nang (清肺抑火胶囊),Panlankin (板蓝根片) re tsi sadek 8738 lu galo shapro nna, Yinnan, Kongsi, Sichon re mungdo gaba ni hta lu sa shabra ya sai.

  Lengho Yihkun naimam sau galo gungmani go Lengho ginra sau hpaga galo gungmani re, shata 1 nhtoi 31 ya ko nna bungli matut shang nna n-gu, chyinghkrang sau ni rin galo mat wa ai, lani mi n-gu tan 30, chyinghkrang sau tan 2 galo shapro nna, Lengho ginwang na gatlok ginra gaji gaba 10 jan hte chyahkring chyahkra dut shalai ya nga ai gat seng gasha ni hta atsom lu sa dut ya rai, mung shawa a ta tut nga sat nga sa ko ra gadon nga ai rung rai ni hpe atsom lu dut jo ya nga sai re. Shingrai magam bungli shang ai hte rau, ana htang shingdang gasat makop ai lam hpe mung nambat langai ko ton nna, ana laja ai ginra na bungli shang masha ni hpe jahkring ai hta lai, bungli shang manu ai ginra masha ni hpe ga- hkyin la rai n-gup magap ni gam garan jo nhtom bungli masha ni a hkamja lam hpe atsom makop ya lu nga sai. Shata 2 pro 10 du yang, gungmani ni n-gu tan 200 lu rin shapro sai.

  (Lajang ai: Nhkum Bok)