Shiga masa景颇新闻

Anhte mungdo ni bungli shang hpang wa let Ana zinli gasat to nga ai

我州企业复工复产打响开工“疫”战

时间:2020-02-13 16:05:52 来源:德宏团结报

  Mu bai galo hpang wa ai hpungtun du wa ai hta hkan nna, maga mi ana gasat, maga mi mu bai galo bang wa ai hpe gara hku galo na lam go shara shagu na sut hpaga dap ni bo machyi ai mu rai nga ai. Shata 2 pro 10 ya shani, shi sok masha Mangshi jakmu wang ko sa du nna, jakrung na “Ana gasat ai shara ko” sa shang yu u ai.

  Sakhkung na shauhkong nai mam sau hpaga dap go anhte mungdo na nai mam galo lajang ai sut hpaga dap rai nga ai, asuya ni kyin dut shana dat ai laika lu la ai hpang, gumhpon ai hprai lajang ai ko hkan zuphpo lom ma ai. Shata 2 pro 5 ya hta “Majan hkyem ai”hku galo hkrat wa ai ko nna go, sut hpaga dap ni ana htang mu atsom galo hkrat wa ai npot hta, galo shapro ai ni, htun da ai ni, sa ya ai rung dap ni grai lawan ai hte mu bai galo bang wa masai.

  Yinnan Yehkyin hpun pa- long chyui hpaga dap na jak rung hta, shi sok masha ni jak mu masha lo malo ni mu galo nga sai hpe mu ai, masha yong n-gup magap dagro kau nna mu atsom galo hpang nga masai. Hpaga dap na lauban gaba Zhai Go Sin shi sok masha ni hpe tsun dan ai, shong de atsom galo ai shaloi go, jak rung gok gaba langai mi ko mu htam ai masha 600 jan du ai, ana e sumdun hkra nna, nnan galo hpang ai shani masha 160 jan sha re, rai tim aten hte tup hkrak galo shakre lu na matu, ana e sum hkra ai lam hpe byin lu ai daram shagrit kau lu rai na matu, yong aten shachyut nna galo shakut nga ai.

  Zhai Go Sin ning nga tsun ai, ana htang tek ai lam hta, Yinnan Yehkyin hpun palong chyui hpaga dap ni ana htang tek reng hkang hpung laksan hpo mazum da nna, ana htang tek ai mu gumhpon hprai rai, mu htam masha yong a hkamja lam ama hkam lu, ngang grin ai hku galo hkrat wa lu rai na hku galo ma ai.

  Mangshi Sinsiwang nongmu hko gyi hpaga dap na lauban gaba Chyang Hkyen Chyung tsun ai, dusat yam nga magam mu hte seang ai mu galo ai sut magam dap rai nga ai, hpaga dap ni shata 1 nhtoi 31 ya ko nna madung gon ai rung dap ni ko mu galo na hpyi shon la nna, shata 2 pro 3 ya shani ko nna galo hpang sai, ya yang lani mi tun 120 galo shapro sai. Bai nna ana htang ai mu lam mung lam magup ntat nhprai ai galo nga ga ai nga ai.

  Mangshi Sinsiwang nongmu hkoji hpaga dap na jak rung hta jak mu masha ni wushat modo ko hpai bang rai mu atsom galo nga ma ai.

  Mangshi jak mu wang gon rapdo ningtau mu madu Lo Leng Pyau ning nga tsun ai, masha nhtang wa ai grai lo wa sai, masha lo chyat wa re ko lade nna, Mangshi jak mu wang na ni grau gaja ai tara ladat do shapro, ana jom htang ai mu atsom galo ai hte rau, n-gun atsom ma hkra hte sut magam dap na mu bai galo hpang ai mu atsom htu sit galo hkrat wa nga sai nga ai.(Lajang ai: Lahto Brang ja)