Shiga masa景颇新闻

Sakhkung gata modo lam gaba pru shang jep shara shagu ko hpyen balik lang datnu jep rai hte madang tso tso atsom jep ma ai

德宏各卡点使用警务终端查验 提高效率 保证安全

时间:2020-02-11 17:29:38 来源:德宏团结报

  Sinwop ana zinli hkron kap bra wa ai ko nna, Sakhkung gata modo lam gaba pru shang jep shara shagu ana zinli hkap ningngan ai shong lam majan nan byin nga sai. Seng ang ai rungdap shagu ni mung myit lom hkum lom ta tut sa jep lajang nga masai, shingrai ningnan ai bungli magam ladat hpe la shapro lu sai.

  Shata 2 pro 3 ya jahpot hkying 10 manit 10 daram hta, shika masha ni go Wandin modo lam gaba shang wa ai shara ko sa du ma ai. Ta tut bungli ginra ko hpyen balik ni shanhte a jep lajang ai datnu jak ko fung nambat hte shenfenjin (Mungchying masat)nambat dip bang dat ai hte masha dai gara ko du hkom mat wa ai lam atsom lu sagon jep mai nga ai, shingrai hpa ganing rai hkrit tsang ra ai lam hpe mung asan sha tau nau nna lu htang da mai nga ai. Lama masha dai ganing re hkrit tsang ra ai rai yang dai modo lam gaba ko nan shi hpe hkap jahkring da nna seng ang ai magam dap ni hpe matut jep lajang shangun mai nga ai.

  Shuili myu shawa wunli makop dap lam balik Wandin dap gonhkang du Ma Hkyin tsun ai: Anhte ya yang prat dep dat nu yu jep jak lang ai ko nna bungli yi-ngam grai nga mat wa sai, hpyenla ni bungli shang ai mung grau lo mat wa sai, mani ma-ni ningnan do bungli shang wa ai shaloi masha hkum ta tut jep nambat ni maram masam ai zon sha n rai sai. Ya yang hpung masum garan ton nna hpung mi hkying hkum 8 masat lit la shani shana hkyinghkum 24 tup atsom sin jep nga ga ai.

  Chye lu ai, shata 2 pro 3 ko nna, mungdo ting na modo lam pru shang tek jep shara shagu prat dep datnu jep jak hkrai lang mat sai. Sinwop ana kap masha zon re ana kap ntsen masha, madu buga de bai n htang wa ai masha re ni lo wa ai ko nna, bungli myit grai lit li wa magang she rai wa saga ai.