Shiga masa景颇新闻

Miwa mung suthpom pati Sakhkung mungdo pati rapdo ningdo 7 lang Hkumra zuphpong Mangshi ko hpo hpong lai wa sai

中共德宏州委第七届六次全会在芒市召开

时间:2020-01-08 16:19:35 来源:德宏团结报

  Miwa mung suthpom pati Sakhkung Sam Jinghpo amyu madu uphkang mungdo ningdo 7 rapdo hpong nambat 6 lang hkumra zuphpong shawa shana shabra laika 2020 ning shata 1 pro 3 ya shani Miwa mung suthpom pati Sakhkung Sam amyu Jinghpo amyu madu uphkang mungdo ningdo 7 nambat 6 lang hkumra zuphpong hta myit hkrum da sai

  Madu dap shiga Miwa mung suthpom pati Sakhkung Sam amyu Jinghpo amyu madu uphkang mungdo ningdo 7 rapdo hpong nambat 6 lang hkumra zuphpong 2020 ning shata 1 pro 3 ya shani Mangshi ko hpo hpong dat sai.

  Ndai lang zuphpong wa lom ai go mungdo rapdo salang marai 40, ningnan rapdo salang marai 6 rai nga ai. Mungdo htunghkang tara rapdo salang, mungdo htunghkang tara jep shadut rapdo salang, sengang hpuon ni hte mungdo ningdo7 lang pati gasa hpong lawu tsang gasa nkau ni zuphpong du lom, mungdo gata mung masha sut tam mu dap nkau na gasa ni hpe zuphpong shang lom shangun rai nga ai. Hkumra hpong go mungdo rapdo dinggrin hpong ni aju jum, mungdo rapdo mu madu Jau Kang ga shaga rai nga ai. Hkumra hpong hta go 2019 ning mungdo rapdo dinggrin hpong kanka pong shinggyin yu, mungdan gata shinggan lai wa sai laning mi na mahkrum madup hkrit makran li nak bungli mu lit ni a man hta nhkrit ntsang majan zinghka sa wa, pati ginjo, mungdo amu gun dap, mungdo gaba rapdo asuya ni dingman woion ai gata, mungdo rapdo ni mungdo ting na pati masha hte amyu shagu ganbu shawa masha ni hpe myit woi jahkrum, Si Gyin Hpyin prat nnan Miwa Mung gaga lak nsam rong ai hpong shingra lailen myit jasat matsun madun, ngakang ai ai hku sharot zinghka sa wa, majan zinghka myit jasat nnan galo shatup sa wa, shabung nhtan ai hku gram sharai majan zinghka mu lam shagu magra gaja,“Myit shingyo n malap, labau lit matsing gun”ngu ai sharin shapan achying lam akyu pusi lu la mat wa, sutgan majan zinghka ngang grin, ruyak adot shakri mu yi-ngam gaba hku wo mat wa lu, gram sharai htot sit lahkam nnan nga mat wa, myit jasat laili laika hko shabra mu majan zinghka mat wa lu, mung masha nga pra ama hkam lam jat shaja mat wa, tu hkrung shingra maka loi nhkring ai sharai mat wa, myit hpom htung masa maden lam jat shaja mat wa lu, pati gonhkang lam loi nhkring ai jat shagreng mat wa, mungdo ting sutgan dinggrin dingnong rotjat mat wa lu, hpong shingra ngang grin, amyu myithkrum mang rum lam galo gaja, bai go maden lam loi nhkring ai jat shaja sa wa lu ai masa shabyin ton lu saga ai nga myit la ma ai.

  Rapdo zuphpong ko tsun lajin dat ai, masum ning hta ja sutgan rotjat bandung shabyin lu na matu, madung mu lit lam mali magra sa wa ra nga ai. Madang tso ai hku lahkam gaba rot jat myit n-gun shaja sa wa nna dinggrin dingnong gram shara gahkan hpo lam magra sa wa, lam magup hta gram sharai jahkrak nna myit shadang hpaga chyam ginra Sakhkung mayan htung tara tam sok shapro ton da, Myen mung de hpaga gahkan hpo gaba ai lam dingyang galo mat wa nna Sakhkung hpe“Hpaga ginra hpaga lam ningnan”wo sa wa ai hkarang gahkan gaba, sinpro dingda Ashadan de bunghkup hkra ai madung ginra, Miwa mung Myen mung ja hpaga lam madung ginra byin lu hkra go maden shakut sa wa ga nga ai. Madang tso ai hku lahkam rotjat sa wa ngu ai myit hpunda ko shingrau nna myu mare gahtong nhton hkrang hpon langai hku galo dingyang, hkaimu magam hkaimu gahtong shong maden sharot sa wa ai hpe prat nnan gaten hta na ahkyak tara maka hku masat da nna gahtong nhton maden sharot lam ganong sit, hkaimu magam hkaimu gahtong maden sharot ai lam hta ning ra ai lam galo shatup du, myu mare gahtong nhton nga shara masa galo sharai jahkrak ai lam galo dingyang, myu mare gahtong nhton hkrang man nsam laning mi gaga lai laklai, masum ning mana maka laklai hkra ngu ai shakut bandung hpe ganong sit sa wa ga nga ai. Rapdo zuphpong ko bai tsun lajin dat ai, madung mu lit lam shagu ongdang ai hte galo mat wa lu na matu, pati hpung ni ja sutgan magam mu hpe woion ai myit shakang shaja let pati rapdo ni lam woi ningshong, ta tut galo sa wa ai asung jashon ra ai, bai nna ja sutgan mu gon ai ladat kumla galai sharai, kasi tai asung jashon ai lam madung dat, ginwang myu ni madung lit la ai myit hte mungdo tsang rungdap ni hkan zuphpo lom ai myit shakang shaja sa wa, madang tso tso hku nna“14 lang manga ning” yo shada masing soi lajang da na lam magup de na nyan hpaji hte n-gun atsam hpe gahkyin ginlom dat nna Sakhkung ga na madang tso ai hku lahkam rot jat sa wa lu na matu shamu shamot n-gun atsam gaba shabyin shatai dat ra ai nga ai.

  Rapdo zuphpong ko tsun madun ai, 2020 ning go lusu nguipyo ai hpong shingra prat tsepkop go maden da ai hpang jahtum shaning mung rai, bai nna“13 lang manga ning”yo shada bandung shangut shakre,“14 lang manga ning”yo shada bandung hpang sa wa ai nnan shaning mung rai, Sakhkung ni hpang de masum ning laman na rotjat bandung byin lu nbyin lu na hte mung manan maka ahkyak dik ai shaning mung rai nga ai. Dai majo, anhte aten ahkying shachyut, gau ngui gauyang nrai nga ai sha myit da ting nna shong de htim shakut sa wa let aten hte tup lusu nguipyo ai hpong shingra prat go maden da lu hkra, masum ning laman ja sutgan rotjat bandung shabyin lu na matu da hpyan go shangang da ra nga ga ai nga ai.

  Rapdo zuphpong hta hpang jahtum tsun madun dat ai, Sak hkung ni madang tso ai hku lahkam gaba rot jat sa wa lu na matu, myit ronlai sanseng dinghpring ai mung masa tara go nambat langai rai ra nga ai.