Shiga masa景颇新闻

Mungdo mung masa bongban rapdo ningdo 12 salang rapdo nambat 3 lang zuphpong hkikpong ai hte hpo hpong sai

中国人民政治协商会议德宏傣族景颇族州第12届委员会第三次会议在芒市隆重召开

时间:2020-01-08 16:16:42 来源:德宏团结报

  Ningdo 12 lang mungdo mung masa bongban rapdo tingnyeng up Hong Li Yin mung masa dinggrin rapdo hpong mu htam mungga hko tsun u ai.

  Mungga hta madun shapro ai, 2019 ning hta go Miwa gumsan mungdan go da ai 70 ning hpring ai hte Miwa mung mungchying sha mung masa bongban hpong hpo mazum da ai 70 ning ladu hkrum ai shaning wa rai nga ai. Laning mi rai wa yang, dinggrin salang rapdo ni myit hkrum lam hte myithpom lam ga bo lahkong hpe madung, galoi mung hton matut ai hte nnan galo shapro ai hpe atsom zuphpo dat, laksan jom dupbong ai rungdap a akyu asung hpe jashon dat, kangka ai hte mung masa bongban, myithpom shadut shadep, mung masa lam hta hpaji do lom re ahkang atsom hkan shatup lang, nyan hpaji gado garum ai hte myit woi gahkyin gumdin ai lam lahkong hta n-gun dat garum, atun amasa re myit atsam hte tengman ai magam bungli galo shapro ai ladat hta n-gun dat shapro rai, Sakhkung mung masa bongban rapdo na magam mu lam hpe a ningnan di galo dat lu nna, mungdo ting na ja sutgan hpong shingra majan jat hkrat wa ai lam hta mung masa bongban rapdo ni byin lu ai n-gun sak shapro dat lu sai.

  Mungga hta gahtap lajin dat ai, 2020 ning hta dinggrin salang rapdo ni a mu htam lam gumhpon matsun dat ai go: Si Gyin Hpyin a prat nnan na Miwa mung alak re hpong shingra masa na myit jasat hte hpaji jo, sung chyung ai hku nna Miwa mung suthpom pati ningdo 19 lang hte ningdo 19 nambat 2、3、4 lang na zuphpong mungga a tsam hkan shrin la, dam lada ai hku nna dinghkung mu madu Si Gyin Hpyin a mungchying sha ni a mung masa mu htam madung myit jasat, ginjo mung masa mu htam hpong na mungga atsam atsom galo shangang na hte hkan galo sharai na nga ai hpe atsom hkan galo shatup hkrat wa, dam lada ai hte mungdo rapdo ningdo 10 nambat 8、9 lang hkumra zuphpong hte mungdo gaba rapdo mung masa mu htam hpong, mungdo rapdo ningdo 7 nambat 6 lang na zuphpong mungga atsom hkan galo shatup hkrat wa,“Lam 4 myit jasat”atsom galo shangang dat,“Lam 4 kam sham”ai shagrin,“Lam 2 makop ai ”galo du rai, Miwa mung alak re hpong shingra myit jasat shagrin ai hte majan jat ai hpe yong a mung masa myit jasat shagrin shangang ai npot madung hku galo,“Latsa ning lahkong”shakut ban dung lu shabyin dat na hpe akyu htam ai hte dinghkung mu madu Si Gyin Hpyin Yinnan ni a mu htam lam matsun dat ai myit atsam hpe hkan galo shatup ai mu htam madung lam hku galo, mung masa myit jasat woi-on galo shangang, myit woi gahkyin gumdin ai hpe mu madung shatai, myit hkrum lam hte myit hpom lam ga bo lahkong hpe madung dat, Miwa mung suthpom pati Sakhkung mungdo rapdo ni e woi-on ai gata hta, prat nnan na mu lit do masat da, mung masa bongban, myithpom shadut shadep, mung masa lam ko shang lom ai madang satso dat, laksan jom bong ai rungdap na akyu asung jashon dat, mung masa myit jasat woi hkom ai, myit woi gahkyin gumdin ai mu atsom galo shangang dat, rapdo salang ni a mu lit gun ai galo shangang rai, Sakhkung na shatang madang tso ai lahkam gaba hku majan jat hkrat wa, Miwa mung(Yinnan) madu kam hpaga chyam dinglik lok Sakhkung mayan hte nmau madung hpaga chyam dinglik lok go maden ai mu lawan htu sit hkrat wa, mung hting rep ga na hpong shingra gram lajang ai hte gram lajang ai n-gun hpe prat madang dep ai hku galo hkrat wa ai lam hta mung masa bongban dap ni yi-ngan nnan galo shapro, mung masa bongban dap ni lit nnan gun ai madun shapro, mung masa bongban rapdo ni n-gun nnan sak shapro na hku nga ai.

  Hong Li Yin hpang jahtum bai tsun ai:“Rapdo salang ni, ya bai du na shaning hta, lahkam htot hpang shara nnan, labau lit nnan, magam lit nnan lu nga saga ai hte maren, anhte yong mayong myitrum Si Gyin Hpyin kri madung rai nga ai suthpom pati ginjo a makau grup yin ko myithkrum gumdin nga let Miwa mung laklai hpong shingra masa donghkon tso tso hpai sharot, Si Gyin Hpyin prat nnan Miwa mung laklai hpong shingra masa myit jasat hpe matsun shatai nna Sakhkung mungdo rapdo e ja ja woion ai gata, shingyo myit n malap, labau lit matsing gun, myit jasat jahpo jahprang, shada shingjong ai zon, magam lit gunhpai, shakut shaja dingngam rai nna Sakhkung mungdo mung masa bongban ningsang magam rot jat masa nnan galo da, lusu nguipyo ai hpong shingra go maden lam ong badang lu la hkra shakut shaja, Sakhkung hpe madang tso ai hku lahkam gaba hte rot jat sa wa lu na matu nyan hpaji hte n-gun atsam sak shapro sa wa ga.”nga ai.

  Mungdo mung masa bongban rapdo Sakhkung mungdo ningdo 12 salang rapdo ningtau tingnyang up Jau Hai Wui go mungdo mung masa bongban hpong ningdo 12 nambat 2 lang rapdo hpong hpang na shon shana masing mu hte seng ai lam tsun shadan dan nga ai.

  Mungdo up ningtau Li Jin Hon go zuphpong ko mungdo mung masa bongban hpong ningdo 12 nambat 2 lang rapdo hpong hpang ko nna shon shana masing mu galo lajang shakyet lai wa ai lam tang shon dan sai.