Shiga masa景颇新闻

Manau ginron zuphpong hpo lai wa sai

中国.德宏2020年目瑙纵歌节动员大会在芒市召开

时间:2020-01-08 16:07:02 来源:德宏团结报

  Shata 1 pro 2 ya jahpot, Miwa mung· Sakhkung 2020 ning manau poi galo na matu, ginron zuphpong hpe Mangshi ko hpo hpong lai wa sai. Mungdo asuya ningbo Hu Shau Chin, Hpan Yau Hpyin, Li Chau Wui, Rin Yen Chyin, Tung Chin Pau, Li Jin Hon, Li Hkang Hpyin, Li Chon re ningbo ni hte, Mungdo, ginwang (Myu) hkan na Jinghpo Wunpong amyu sharot hpaji sumru hpung ningbo ni, mungdo Jinghpo Wunpong amyu sharot hpaji sumru hpung masha ni masha 300 jan zuphpong hta sa du dung ma ai.

  jan zuphpong hta sa du dung ma ai. Zuphpong aju jum ai go mungdo up ningtau, manau ninghtan hpung mu madu ningtau Li Chau Wui re.

  Zuphpong hta tsun sanglang dan ai ko chye lu yang, Jinghpo Wunpong amyu ni a htunghking sharot zinghka matut shachyo hkrat wa na matu, amyu bosang shagu hte hpaji jo hkat lu na matu, Sakhkung mungdo na magam mu lam shagu htu satsong hkrat wa lu na matu, mungdo pati rapdo hte mungdo asuya ni ko nna 2020 ning shata 2 pro 7 ya shani ko nna pro 9 ya shani du hkra, Mangshi ko manau nau na hku dodan sai. Manau ninghtau hpung mu madu go mungdo pati rado mu madu Jau Kang hte mungdo up Wui Kang rai nhtom, lawu de magam gun hpung 11 san ton nna manau poi shabyin shatai wa na hku re, muhtam gok mu madu go mungdo mung masa bongban rapdo tingnyang up ningtau, mungdo Jinghpo Wunpong amyu sharot hpaji sumru hpung hpung up Li Chon lit la na. Manau poi hpe Miwa mung suthpom pati Sakhkung mungdo pati asuya, Sakhkung mungdo mungchying sha asuya ni ko nna woi ninghtan galo nhtom, Miwa mung suthpom pati Mangshi pati rapdo, Mangshi mungchying sha asuya, Miwa mung suthpom pati Sakhkung mungdo pati rapdo hko shabra dap, Sakhkung ntsa tsang dakkasu sara hpaji jong, Sakhkung mungdo amyu makam masham gonhkang dap, Sakhkung mungdo kunghpan hpaji hte buhkom dap, Sakhkung mungdo Jinghpo Wunpong amyu sharot hpaji sumru hpung re rungdap 7 ko nna ta tut woi galo hkrat wa na.