Shiga masa景颇新闻

Mungdo pati dinggrin lit gun salang rapdo ni Zuphpong hpo lai wa sai

州委常委召开会议

时间:2020-01-08 15:51:18 来源:德宏团结报

  Madu dap shiga Shata 12 nhtoi 30 ya shani, mungdo pati dinggrin lit gun salang rapdo ni zuphpong hpo lai wa sai.

  Mungdo pati rapdo mu madu, Shuili mungdan ahkyak madung majen je hpo galo chyam ginra pati magam mu rapdo mu madu, gonhkang rapdo lit madu Jau Kang aju jum u ai.

  Zuphpong hta mungdo gaba pati rapdo ningdo 10 nambat 9 lang hkumra zuphpong hte mungdo gaba pati rapdo ja sutgan magam mu zuphpong na mungga shana shabra sharin hkam la sai. Zuphpong hta matsun madun dat ai, mungdo gaba pati rapdo ningdo 10 nambat 9 lang hkumra zuphpong hte mungdo gaba pati rapdo ja sutgan magam mu zuphpong go anhte mungdo gaba ni pati a ningdo 19 nambat 4 lang hkumra zuphpong mungga sharin hkam la na hte, n-gun atsam ma hkra hte Yinnan hpe madang tso ai hku kot rap sharot zinghka hkrat wa ai ten hta hpo hpong ai zuphpong re. Mungdo tsang shagu rung dap shagu na ni zuphpong mungga sharin hkam la ai bungli hpe ya ten hte htomhpang de na lit madung hku yu ra ai, Si Gyin Hpyin a prat ningnan Miwa mung nsam rong ai hpong shingra masa myit jasat, pati a nambat 19 lang zuphpong, pati a ningdo 19 nambat 2 lang, nambat 3 lang, nambat 4 lang zuphpong re hte gapyon nna, myit mi alom rai sharin hka ja la, chye hkra htai la rai, n-gun atsam ma hkra hte Sakhkung mungdo kot rap sharot zinghka hkrat wa na. Tsang shagu na pati rapdo(Pati hpung) ginju hpung ni zuphpong mungga sharin hkam la ai bungli hpe ahkyak madung shatai nna, tsang shagu na pati jong, mung masa jong hkan madung dat nna woi sharin hka ja la na, zuphpong mungga hpe npot ko nna ndung hkren htai la lu hkra sharin hkam la nhtom, chye jai lang hkra sharin la na. Nlo amyu ga laika re ni hte sharin hka ja hko shabra ai hte rau, shawa masha ni ra sharong ai hku, sharin la loi ai hku, zuphpong mungga hpe hkum hkum tsup tsup hko shabra hkrat wa na, zuphpong mungga hpe hpaga dap, hkaimu gahtong, asuya rung dap, jongwang gata, gat lok re hkan du hko shabra hkom na, ra gadon nga ai masa ko yu nna n-gun dat na. Shi shabra dap ni ko nna hko shabra na bungli hta atsam aja awa dat na.

  Zuphpong hta Sakhkung mungdo 2019 ning mung shawa ja sutgan hte hpong shingra sharot zinghka yo shada lam galo shagrin hkrat wa masa hte 2020 ning mung shawa ja sutgan hte hpong shingra sharot zinghka yo shada lam(Laika nrip), Sakhkung mungdo 2019 ning ginra ja sutgan nau son bungli galo shagrin hkrat wa ai masa hte 2020 ning ginra ja sutgan nau son galo shagrin hkrat wa na yo shada lam (Laika nrip), mungdo pati rapdo ningdo 7 nambat 6 lang hkumra zuphpong shon shana laika, mungdo asuya magam mu shon shana laika, 2019 ning pati a go maden magam mu shon shana laika re ni jep shin yu nna myit hkrum da sai.

  Wui Kang, Hu Shau Chin, Yin Yen Chyin, Li Ji Myin, Yang Shang Hung, Kung Yun Tsun, Yang Ta Hkyin, Ma Yin Fung, Hu Shin, Tsin Shau Hua re ni zuphpong hta sa du dung ma ai.

  Hpan Yau Hpyin, Hong Li Yun, Wang Myin Shan, Tung Chin Pau, Yang Li Yun, Sung Yi Fa, O Htun, Jau Sin Jo, Li Hkang Hpyin, Kon Go Jau, Li Chon, Yang Sin, Jau Hai Wui, Yi Chyung Sin, Wang Shang Hung, Wang Kin Shun, Sha Yi Chyong, Hkung Lagam, Hkyu Yung re ningbo ni hte seng ang rung dap hkan na lit gun salang ni mung zuphpong hta sa du dung ma ai.