Shiga masa景颇新闻

Miwa mung hte Myen mung shi shabra dap ni a hpaji jo dung jahta Madu dap shiga Shata 12 nhtoi 18 ya hte 19 ya shani, mungdo gaba pati rapdo dinggrin salang, mungdo gaba sat tara rapdo mu madu, mungdo gaba jep hkang rapdo mu madu Fung Ji Li nambat 9 jep sa

中缅媒体交流座谈会在芒市召开

时间:2020-01-02 10:01:42 来源:德宏团结报

  Madu dap shiga Shata 12 nhtoi 23 ya shana de, Miwa mung Myen mung shi shabra dap ni a hpaji jo hkat dung jahta hpong Mangshi ko galo nna, ndai go Miwa mung Myen mung shi shabra dap ni shada hpaji jo hkat pong mazum hkat nhtom, htaning na Miwa mung Myen mung hkuhkau makyit mahkai ai 70 ning hpring ai hpe gaja ai dinglun masa jom galo na matu re.

  Mungdo pati rapdo dinggrin salang, mungdo pati rapdo hko shabra dap ningbo, mungdo pati rapdo chyare du Hu Shin, mungdo pati rapdo hko shabra dap ningbo ningtau, mungdo asuya shiga muhtam gok ningbo Jau Yin Shan, anhte mungdo ginwang(Myu)5 na hko shabra dap ningbo hte Sakhkung shi wunhpom na seng ang woion ningbo ni, Myen mung Muje hko shabra dap ningbo Wuai Sohtang Du hte Myen mung shiga dap shagu na gasa ni hpaji jo hkat dung jahta hpong hta sa du lom ma ai.

  Hu Shin Myen mung shi shadra dap ni sa du lom ai hpe hkalum ai hku re. Shi tsun ai, Miwa mung Myen mung hkuhkau makyit mahkai hkat ai 70 ning rai wa yang, mungdan lahkong maga ni dingyang lai wa lai sa rai nna makyit mahkai hkat, Myen mung Muje hte Miwa mung Shuili go Miwa mung Myen mung a mung jarit hpaga yumga a chyinghka lam re, Miwa mung hte Myen mung a hpaga yumga lam hta wa ahkyak dik nga ai. Ndai lahkong masum ning hta, Sakhkung mungdo ni mung Myen mung ni hte na kunghpan hpaji lam ni hta hpaji jo hkat, Myen mung ni hte mung shawa ni a myit lu lam galo shabyin ya ai mu lamang ni lo lo lang galo lai wa sai majo, mungdan lahkong na mung shawa masha ni htingbu gaja tai, manang gaja tai, jinghku gaja tai lu sai. Shi shabra masha tai nga ai ni go, lahkong maga na mahku mahkau lam a ningmu masha hte ka matsing masha tai ai sha n-ga, mungdan lahkong maga na hpunau mahku lam hpe htu shatsong ai masha mung tai ra nga ai. Bai du wa ai shaning nnan hta, Miwa mung hte Myen mung a shi shabra magam hta grau nna gaja ai yi-ngam nsi galo shapro dat lu na hpe mung grai myit mada dat nngai.

  Wuai SohtangDu tsun ai, mungdan shada makyit mahkai hkat ai go mung shawa masha shada hkuhkau hkat, mung shawa shada hkuhkau hkat ai madung go myit hkrum hkat ra ai. Miwa mung Myen mung lahkong maga na shi shabra mu hta pong mazum hkat ai lam hpe shangang dat lu yang go, mungdan lahkong maga ni shada grau nna chye hkat na sha re, Myen mung Miwa mung hkuhkau ai go du atsang ni shada makyit mahkai hkat ai sha nre, shiga shabra maga de na ni mung pong mazum makyit mahkai hkat ra nga ai.

  Dung jahta hpong hta, Miwa mung Myen mung na shi shabra masha ni shada grau nna pong mazum hkrat wa, mu lamang amyu myu jom galo, shiga jom jai lang hkat, shilet masha jom sharin shapan na re maga de na mu lam ni hta mung myit lu lam jom tsun shapro ma ai. Hu Shin shi laika《Pau bo(Myen laika)》2019 laman shi laka ka kumhpa lu ai Wuai Sohtang Du hpe arong kumhpa htuk ya u ai.

  Zuphpong ngut ai hpang, shada kumhpa mung jo hkat ma ai.