Shiga masa景颇新闻

Mungdo ting na“Gyip gyeng ai myit jasat hpyan run kau let, Sat lahkam gaba hte kot rap sharot zinghka wa” Dup dinglun ai bungli nambat 1 lang jom dup sumru yu ma ai

省委领导深入德宏调研

时间:2020-01-02 09:24:33 来源:德宏团结报

  Madu dap shiga Shata 12 nhtoi 19 ya shana de, mungdo ting na“Gyip gyeng ai myit jasat hpyan run kau let, sat lahkam gaba hte kot rap sharot zinghka hkrat wa”dup dinglun ai bungli nambat 1 lang jom dup sumru zuphpong hpe 2 ya jom dup nna ndut ndang hte shangut la lu sai. Zuphpong laman hta, zuphpong sa ai ni“Sakhkung mungdo sharot zinghka hkrat wa ai bungli hta, gara hku yu maram nga ai, ganing di galo yang she htuk na?”ngu ai lam ni hpe jom tsun sharum yu ma ai.

  Mungdo pati rapdo mu madu, Shuili mungdan ahkyak madung majen je hpo galo chyam ginran pati magam mu rapdo mu madu, gonhkang lit madu Jau Kang zuphpong aju jum ai hte rau, ga sa shaga u ai. Mungdo pati rapdo mu madu ningtau, mungdo up Wui Kang, mungdo pati rapdo mu madu ningtau Hu Shau Chin, mungdo mungchying sha gasa zuphpong gaba dinggrin salang rapdo mu madu Hpan Yau Hpyin, mungdo mung masa bongban rapdo tingnyang up Hong Li Yin re ningbo ni hte seng ang rung dap hkan na ningbo ningla ni zuphpong hta sa du dung ma ai.

  Mungdo ting na“Gyip gyeng ai myit jasat hpyan run kau let, sat lahkam gaba hte kot rap sharot zinghka wa”dup dinglun bungli galo hpang wa ai ko nna rai wa yang, mungdo tsang shagu rung dap shagu na ni dup dunglun bungli hpe grai ahkyak la ma ai majo, mungdo pati rapdo ni woi ninghtan galo ai gata hta, dup dinglun bungli mungdo ting hkon hkrang chyechyang mat wa sai.

  Shada hpaji jo hkat ai shaloi, zuphpong hta sa du dung ai salang ni tsun ai, mungdo rapdo ko nna“Gyip gyeng ai myit jasat hpyan run kau let, sat lahkam gaba hte kot rap sharot zinghka wa” dup dinglun zuphpong woi galo ai go grai ahkyak ai hkying ten ko nan ang ai, ndai ten hta go Si Gyin Hpyin a prat ningnan na Miwa mung nsam rong ai hpong shingra masa myit jsat sharin hka ja la na hte dinghkung mu madu Si Gyin Hpyin Yinnan ko sa du gawan ai shaloi matsun da ai ja chyum mungga galo shagrin hkrat wa na hkying ten re, mungdo gaba rapdo, mungdo gaba asuya ko nna Sakhkung na ja sutgan sharot zinghka hkrat wa na matu lajin dat ai mungga hkan galo shatup hkrat wa na hkying ten mung re, Sakhkung hpe madang tso ai hku kot rap sharot zinghka hkrat wa na ladat gaja re, ya na ndai ten hte htom hpang de na ten laman hta mungdo ting hkan galo shatup hkrat wa ra ai bungli lit re. Ya ten hta ra rong ai manghkang lawan hparan kau nna, ginjang gaja manat let, myit mang langai hte Sakhkung mungdo galu gaba wumja wa na matu shakut ga nga ma ai.

  “Myit jasat lai shai ai lam n nga yang, rot zinghka jat wa ai lam hta kot rap lu ai lam n nga ai.”Jau Kang zuphpong ginhtip ai shaloi tsun ai,“Gyip gyeng ai myit jasat hpyan run kau let, sat lahkam gaba hte kot rap sharot zinghka wa”dup dinglun bungli chye na wa ai lo lo rai sai hte rau, akyu nsi mung mu mada sai majo, ntsa tsang de na ni shakon shagrau ai hkrum sai, mungdo gaba pati rapdo mu madu Chin Hau matsun dat ai ga hkan galo shatup hkrat wa let, dup dinglun bungli hpe grau chyam bra hkra galo hkrat wa ra hte rau, hpang de na dup dinglun bungli grau kangka hkra galo ra ai. Sakhkung hpe madang tso ai hku sharot zinghka hkrat wa na hte gaja ai kasi kanan madun lu hkra galo na go lit madung re. Magam gun masha ni a ntsa shakut shaja na ngu ai myit jasat jahpring ya nna, myit masin ma hkra hte Sakhkung hpe madang tso ai hku htu satsong hkrat wa ra ai.

  “Bandung masat ton jang go, hkan galo shatup ra ai.”Jau Kang tsun lajin dat ai, dup dinglun ai lam hpe htap htuk ai hku mali satsom la nna, mungdo rapdo hkumra zuphpong shon shana laika, mungdo asuya magam mu shon shana laika re hkan ka bang nna, mungdo pati rapdo hkumra zuphpong hte mungdo“Zuphpong la hkong”hpo hpong na matu npot nhpang shangang ton ra ai. Ban dung lit ko hkan nna, dup dinglun ton ai nsi hpe Sakhkung rot zinghka wa lu ai n-gun shabyin shatai lu hkra galo na.

  Wui Kang tsun ai, Gyip gyeng ai myit jasat hpyan run kau let, sat lahkam gaba hte kot rap sharot zinghka hkrat wa”dup dinglun zuphpong woi hpo ai majo n-gun grai lu sai. Hkrit gamyin ai myit masin, lawan galo na ngu ai myit masin, sharot zinghka na ngu ai masin, hpo galo gram galai na myit masin re ni rong ra ai, mungdo gaba rapdo, mungdo gaba asuya ni lajin dat ai ko hkan nna, bungli lam magup hpe ningra ai lam n nga hkra galo shakut nna, Sakhkung hpe madang tso ai hku kot rap sharot zinghka hkrat wa ra ai nga ai.