Shiga masa景颇新闻

Sakhkung sara dakkasu jong ni 2019 ning mali zinghkra nhtoi gaja manau nau ma ai

德宏师专举行目瑙纵歌狂欢活动

时间:2019-12-17 15:06:14 来源:德宏团结报

  Madu dap shiga 2019 ning shata 12 htoi 14 ya, mali zinghkra nhtoi gaja gatsi pyo la ai nshung lado hta, Sakhkung sara dakkasu jong Jinghpo jongma makyit mahkai hpung ni go shaning shagu galang galo ai“Ningdo 13 lang manau poi”hpo galo dat masai.

  Poi hpo masat hta Sakhkung sara dakkasu jong jong up ningtau Li Jen Ren poi hpo mungga shaga nna, poi hpo ga hko tsun dat sai.

  Poi hpo masat ngut ai hpang du sa ai manam hte jongma ni go naushong naupa ni a hpang ko hkan nna, lahkrip ra ra hte manau nau hpang wa masai.

  Ndai lang na manau poi hta go jahpot do hte shana do hku nna shajin da ma ai, jahpot do go hkying 9 ko nna hkying 11 ko du hkra, shana do go hkying 8 ko nna hkying 11 ko du hkra ten masat da nga ma ai.

  Jahpot do na manau poi ngut ai hpang, Jinghpo jongma kyit hkai hpung ni go du sa ai manam hte sara ni hpe tinang a tsora myit hte galo ton da ai Jinghpo japhtu simai, magyep tsa hku hte hkap hkalum tau la nga ma ai.

  Ndai lang na manau poi hta, Mungdan tsang manau hpaji hkringhtong hpaji matut shachyo masha Jau Pau Chyung sara wa go tsora myit hte manau nau hpaji wa sharin ya sai. Jongma ni mung prat masa ko hkan nna alak mi re htunghking manau poi hpo hpang dat sai hte maren, jongwang gata hta Jinghpo Wunpong myu sha ni a htunghking manau hpaji akyu nsi hpe mung madun dan sai.

  Shana hkying 7 hta, du sa ai manam ni hte jongma ni ginsup bai jom yu ma ai. Jongma ni jau ko nna hkyem ton ai mahkon mangui ka manot ginsup ni go, myit kro wang hta htep nga ai hkrai rai nga ai. Shana hkying 9 ko nna manau matut manoi bai manau ma ai, shana na manau jongma ni grau nna du hkum ma ai majo, jong wang ting manau chying nsen hte jongma ni mahkon hkon ai nsen hkrai hpring mat sai.