Shiga masa景颇新闻

Madung ga bo sharin shapan laksan gram lajang muhtamHtu shatsong zuphpong Mangshi ko hpo hpong lai wa sai

时间:2019-11-29 09:43:51 来源:德宏团结报

  Madu dap shiga Mungdo ting na“Ningnan na myit ban dung hpe n malap, shangun ai bungli ja ja matsing gun da ga” ngu ai madung sharin shapan laksan gram lajang muhtam htu shatsong hpong go shata 11 nhtoi 21 ya shani Mangshi ko hpo hpong lai wa sai. Zuphpong hta tsun lajin dat ai,tsohtum ai mung masa mu lit hku nna muhtam lam atsom galo hkrat wa rai, madung sharin shapan lam hta tengman ai akyu nsi lu la na matu ama hkam ra ai nga ai.

Mungdo pati rapdo dinggrin lit gun salang, mungdo asat tara jep rapdo mu madu, mungdo tek jep rapdo mu madu Yang Ta Hkyin zuphpong hta shang lom let ga sa shaga nga ai.

Zuphpong hta mungdo gaba madung sharin shapan laksan gram lajang muhtam htu shatsong hpong myit atsam hton shana dan lai wa sai. Mangshi myu, Nshon ginwang, mungdo asuya muhtam gok, mungdo ruyak ahku shatong dap, mungdo mungchying sha tara jep rung ni shong hpang rai ga sa shaga ma ai. Zuphpong hta ning nga madun shapro ai, mungdo ting laksan gram lajang muhtam lam hta lado masa nga ai akyu nsi lu la sai, raitim jep maram ai hte tek jep masa lam ko nna yu yang, myit jasat machye machyang lam ndu ntup, muhtam galo lam n rapra, ningra ai lam nga re manghkang no nga ai. Mung masa myit jasat lam sharot shatso dat nna, shakut shaja ai myit a- tsam hton matut hkrat wa let, laksan gram lajang muhtam lam hpe sungchyung htu shatsong hkrat wa ra ai nga ai.

Zuphpong hta lajin dat ai, gram lajang madung lam ko lade nna, laksan gram lajang mu atsom magra hkrat wa rai, ginjo ni a dodan hprai hparan lam hte dinghkung mu madu Si Gyin Hpyin a ahkyak madun jasat lam hpe atsom galo shatup hkrat wa let, muhtam shatang madang hte shawa masha ni a myit dik masa lam hpe nambat langai ko ton nna, mung masa tara shaja ai hte htung masa gram lajang ai hpe madung muhtam lam hta galo shatup hkrat wa ra ai. Shawa masha ni laja lana shok shon ai manghkang ko lade nna gram lajang mu atsom galo hkrat wa rai, htung masa nga ai muhtam lam galo hkrat wa ra ai nga ai.