Shiga masa景颇新闻

Gyupau ginwangdo Mungsung mare salang rapdo ni gram lajang ladat gaja la shapro ma ai

九保乡勐宋村走出乡村治理新路子

时间:2019-09-26 16:52:18 来源:德宏团结报

  Myit jasat ko nna “Matsan npot” hpe gara hku krau gabai kau, rungrai matsan ai hte myit masin matsan ai hpe shatong kau lu na?Pati hpung lakying a asung hte pati masha a ningshong sho lam gara hku akyu shon lang hkrat wa nna, ginwangdo gahtong nhton a chyoipra lam sharot shatsong dat lu na? Ngu ai hta hkan nna, daining na shata 6 hta, Lengho ginwang Gyupau Achang amyu ginwangdo Mungsung mare salang rapdo ni go ginwangdo mare gahtong nhton gram sharai lajang ai hpe madung hku magra galo, pati lakying ni hku nna woi galo rai, sungchyung ai hku myit sumru, masin gaba gaba di chyam yu rai nhtom, “Ai sin gat dut seng” hpo galo rai nna,“Pati go maden+Aisin gat dut seng”re ginwangdo ga- htong nhton gram sharai ai lam ningnan hkom pru wa ai hta, yi-ngam nsi mu mada sai.

  Bungli galo ai katun ni hpe matsing ton. Mungsung mare salang rapdo“Ai sin gat dut seng”go mare salang rapdo na pati la- kying hpung ni hku nna dut lu dutsha bandung masat nna, gat rai la shang, ja gumhpro jom gahkyin na hte gon lajang na lam ni hpe laksan masha hprai nna galo shangun n htom,“Lo galo ai ni lo la, shau galo ai ni shau la, n galo ai ni n lu la”re htung ladat ni lang nga ma ai,shawa masha ni“La sha hpyi sha” re n gaja ai alai hpe lai kau ya nna, bungli kyet kyet shop shop rai shang galo lom nna nsi garan sha lom, myit jasat ko nna rot wa, sutsu nga mai wa,“Ai sin gat dut seng”go shawa masha ni shada sharin hkat shada shingjong hkat ai pinra tai lu sai.

  Garum shingtau la. “Ai sin gat dut seng”hta, hpong shingra maga shagu na ni garum shingtau la,shawa masha ni bungli gaba hkrum shing nrai machyi mako hkrum, tsin -yam hte gaga agajong sha byin pru manghkang ni e dinghku ruyak mat re shaloi go, mare salang rapdo pati lakying hpung ni dup yu nna myit hkrum da jang, mai garum shingtau la re majo, shawa masha ni hpe myit n-gun lu sha- ngun nga ai.

  Chyoipra bungli galo. Mare salang rapdo pati lakying ni woi ndau ai gata hta, pati masha ni go shawa masha ni hpe mare bungli woi galo, matsan shatong ai ningshong masha tai, gumgai dingla hkungga lara ai ganam gaja tai, shawa akyu htam ai pati masha gaja tai re ningshong sho kasi madun masha lo lo pru wa gajang sai.

  Akyu ara jashon. Mungsung mare salang rapdo ni go pati masha hpe ginron nna gahtong mare gon jalang ai hta shang lom sha- ngun nna, pati masha ni a yi-ngam masat da ya, pati masha ni hpe “Ai sin gat dut seng” na gat dut masha hte hko shabra masha shatai,“Ai sin gat dut seng”a gonhkang masha, nsi garan ya ai hte hko shabra bungli ni hta alit la shangun rai nga ai.

  Daini na Mungsung mare salang rapdo ni go, htingbu htingbyen shada ga-li ga-lo re lam n nga mat wa sai, shada garum shingtau la hkat ai lam lo wa sai, gahtong mare san seng tsom mat sai, shawa msha a myit jasat ni mung grau chyoipra wa shajang sai.