Shiga masa景颇新闻

Nmau Delung gungmani ni dakkasu jongma garum shado ai Shamu shamot lam Mangshi ko galo lai wa sai

2019年“梦圆大学·德宏团结报、瑞丽德龙集团在行动”大型公益活动助学金发放仪式

时间:2019-08-29 15:53:08 来源:德宏团结报

  Shata 8 nhtoi 22 ya shani, ningdo 6 lang Nmau Delung gungmani ni dakkasu jongma garum shado ai shamu shamot lam Mangshi ko galo lai wa sai.

  Masat hpong hta, Nmau Delung gungmani ni go mungdo seng ang rung ni hpe gumhpro sen 5 kumhpa nna daining Sak- hkung jongma ni dakkasu ong ai jongma 100 hpe garum shingtau la ai sha nrai, mungdo tsom htap magam rung ni hpe mung gum- hpro mun 8 no garum jo nna kun dinghku ru yak ai jongma 16 ni hpe garum shado la ma ai. Mungdo up ningtau Yang Shi Chyong go Nmau Delung gungmani ni hpe chyeju dum masat laika pa hkap ya nga ai.

  Yang Shi Chyong ga shaga nna tsun shagrau ai, “Sharin shapan lam hpe ahkyak la, jongma ni hpe garum la” ai lam go a- tsang shagu na pati rapdo, asuya ni a ahkyak bungli re sha nrai, hpong shingra lam magup de na ni n mai malap ai lit mung rai nga ai. Nmau Delung gungmani ni go mung shawa mu hpe garum shingtau, ruyak ai ni hpe madi shado, hpong shingra myit rong ai gungmani langai rai nga ai, gunngmani lauban gaba Yang De Lung go mung shawa masha ni hpe matsan dum tso ra myit rong ai la langai mi rai nga ai.

  2013 ning ko nna mungdo ramma hpung rapdo, mungdo sharin shapan rung, Sakhkung myithkrum shi laika dap, mungdo myit mada bungli woi on rung ni hte rau, dakkasu jongma ni hpe garum shingtau la ai shamu shamot lam galo dingyang rai nga ai, Nmau Delung gungmani ni shaning shagu gumhpro sen 5 la shapro nhtom, mungdo ting na kun dinghku ru yak ai jongma 100 hpe garum shingtau ding yang rai nga ai. Daining du yang, Nmau Delung gungmani ni garum jo lai wa ai gumhpro go wan 3 daram du sai hte maren, kun dinghku ruyak ai jongma 600 daram ni akyu lu hkam sha lai wa masai.