Shiga masa景颇新闻

Sharu rem nna sutsu nga mai wa sai

他靠养竹鼠脱贫,还带上了一群人致富!

时间:2019-08-23 11:04:41 来源:德宏团结报

  Sen-gang ginwangdo hta, Htang Shau Lin gadai re ta ngu san yang, chye ai masha nlo nga ai.“Sharu rem ai Htang wa”Ngu san dat jang go, n chye ai masha n nga nga ai.

  Daining asak 36 ning du sai Htang Shau Lin go Mangshi Sen-gang ginwangdo Hkyinzhai htang mare salang rapdo Len sin gahtong na rai nga u ai, Sharu rem ai laksan hozoshe hpo ton nna, Sharu, Wa du rem dut sha nga u ai. Shi nong e tsun ai, suthpom pati masha langai mi go, galoi raitim ningshong woi sho ra ai, madu masin gaba let galo chyam yu jang she shawa masha yong hpe gaja ai maga de woi yong lu nga ai.

  Sharu rem wa ai npot n hpang

  2011 ning hta,Htang Shau Lin go mano manang ni hte shinggan de shat sa sha ai shaloi, nambat langai lang ngu na Sharu shan sha yu nga ai, Sharu shan ahkalung nga ai sha hkrup nna grai mu dum kau nga u ai majo, san yu yang Sharu shan kungkyin mi lap 360 re chye nna, madu mung Sharu rem dut sha na myit rong wa sai. 2011 ning jahtum do de, Htang Shau Lin go nam Sharu mari la nna madu nta ko shabrat bang wa sai. Machyim n lu nna, Htang Shau Lin go laika seng ko seng ang laika buk ni sa mari la nna, sharin let rem chyam nga u ai.N myit madom ai rem jahkrung dat lu sai.

  2012 ning hta, Htang Shau Lin go gumhpro dum ko gumhpro sen 3 sa hkoi la nna, Man bang nhton Man shang gahtong ko lamu ga mu 5 shap la nna, Sharu rem sha shara galo dat sai, Sharu rem gok 800 gogap ton nna, Sharu 2000 jan rem ton sai. Ruyak jamjau go shakut ai wa a lago n lu gang ya nga ai 2013 ning shaning nnan do hta, rem ladat njo, ana sat ai lam n jo nna, Sharu 500 jan si mat nga ai, 80 jan sha ngam mat sai. Htang Shau Lin mung myit grai do mat sai.

  Galo hpang sai bungli go jahkring kau n mai ai. Sum gaba mat ai hpe machyim shatai nna, ra rong ai manghkang ni tam yu, Lung Lin, Paushan hkan machyim wa la rai nna, kaga masha ni ko hkan sharin hkan san la rai nna bai rem shakut ai nga yang, Sharu rem jahkrung shadang 100% du sai hta n-ga, Wa du mung bai rem bang wa sai. Shakut shaja ai Htang Shau Lin go 2014 ning htum de, Sen-gang ginwangdo nambat langai ngu na matsan mying ro kau lu sai.

  Sutsu nga mai ai hpang buga masha hpe n malap nga ai

  Sutsu nga mai sai Htang Shau Lin go kaga masha ni hpe mung n malap nga ai. Hkaimu masha mano manang ni hpe Sharu rem sha hpaji ni n magap hkra sharin ya nga u ai. 2017 ning hta, mungdo dohten wunhpom ni shi a Sharu rem sha shara hpe mungdo ting na dohten masha rem lu rem sha hpaji sharin ya ai shara shatai ai hpang, shi go langai hte langai di sharin ya, shong hpang rai hkaimu htinggo 100 jan ni hpe hpaji sharin ya lai wa sai.Ndai ko tsun mayu ailam langai mi go, dohten masha marai 20 hpe shi a hozoshe ko shalom la nna, shanhte rem ai Sharu hpe mung dut lom na nga hkam la u ai.

  Ngui pyo ai go chyeju dum chye ai ni a matu re

  Htang Shau Lin a rem lu rem sha magam go lani hte lani grau nna gaja wa sai. Wa lo dik ai shaloi Sharu 1000 jan, Wa du 30 jan rem ton nga u ai. Dai shara ko hkainu, wabong naisam re ni mung hkai ton gajang nga ai, jo ai washat ni mung hkamja ai rai ni hkrai re.

  2018 ning hta,Mangshi matsan shatong mu hta yi-ngam nsi mahta ai majo, Htang Shau Lin hpe Mangshi matsan shatong mu hta “Arong satang lu ai matsan mying ro htinggo ”Ngu ai arong kumhpa jo masai. Shi go htom de grau nna shakut shaja hkrat wa na nga tsun u ai.Ja gumhpro arang bang jat nna, shawang gaba ai hku galo nhtom, lohtam ai hkaimu masha ni hpe woi sutsu la na nga nna mung no tsun nga u ai.