Shiga masa景颇新闻

Hongkong hpong shingra maga shagu ni n hkru n gaja ai lam htang manga simsa ai hpong shingra shabyin la nga ndau ma ai

香港社会各界齐声反对暴力 呼吁恢复社会秩序

时间:2019-08-23 10:57:18 来源:德宏团结报

  Nhtoi 17 ya shani hpo galo ai,“N hkru n hkra lam htang, Hongkong hpe hkye la”Nga ai zuphpong gaba hta, Hongkong ko na mung shawa masha ni n hkru n gaja lam htang manga ai nsen shapro nna, simsa nganggrin ai hpong shingra hpyi shon nga ma ai.

  Nhtoi 17 ya shani, Hongkong ko marang gaba htu na re nga ai shiga shabra nga ai, marang gaba matut manoi rai htu nga ai,lamu marang n tsom tim Hongkong ko na mung shawa masha ni zuphpong shang lom na myit hpe n lu shingdang nga ai.

  Zuphpong hta shang lom ai mung shawa masha ni go Miwa mung mungdan mahkon jom hkon let hpo hpang dat sai, lit la masha ni tsun ai, masha marai mun 47.6 jan marang gata hta zuphpong shang lom nga ai.

  Shawa masha ni go zuphpong hpo shara hta,“Ngai Miwa mung hpe tsora, Hongkong hpe tsora”“Balik hpyen la ni tara hte tup galo ai lam hpe madi shado”Nga ai ga-si ni hpe jahtau maron nga ai. Hongkong kaga lak uphkang ginra asuya, ningbo ningla, balik hpyen la ni hpe madi shado ai lam myit madun nga ai. Dai shara hta, Hongkong ko aten na na nga ai maigan masha langai mung zuphpong hta shang lom nna madi shado nga ai, shawa masha ni hpe n hkru n gaja lam htang manga na hku so ginron dat nga ai.

  Zuphpong shara hta, Hongkong na sharin shapan hpung, ubadi tara hpung,kunghpan hpaji shingni hpung,jak mu hpaga hpung, modo hkoi shap hpung re ai ko na gasa ni myit lu lam tsun shapro nga ai, n hkru n hkra lam hpe daru sharin, Hongkong hpe jom hkye na hku so ginron dat nga ai.