Shiga masa景颇新闻

Sakhkung pyada dap ni ka-ni nanghpam ningtuk matut dut ai zangmu langai mu jep ma ai

德宏警方破获一起吸毒人员通过微信暗语交易毒品案

时间:2019-08-23 10:52:28 来源:德宏团结报

  Shata 8 nhtoi 15 ya shani Sakhkung mung htingrep gonhkang lahkying dap ni shana dat ai shiga hta chye lu yang, ndai lapran Sakhkung mung htingrep gonhkang lakying dap Mangshi mung hting rep gonhkang dap Mungga mung htingrep Hpaichuso ni ka-ni ya ni ko nna ka-ni nanghpam ningtuk dut ai ni hte wuisin ko ga makoi hte ka-ni nang hpam ningtuk mari ai zangmu langai mu jep ma ai.

  Zangmu lajang ai pyada dap hpyen la ni tsun dan yang, shata 8 pro 5 ya shani shingtung hkying 12 manit 50 hta, hpyen la ni lit ang ai shara hkan jep hkom yang, modo nsam ahpro re got ai daraiba langai mi hkrit hkrit ma ma rai hprong hkyem ai mu nna, la dai hpe tek shingdang ton nna jep yu yang, wuisin hte shiga htinglet hkat ai ko“Shan n nga sa ni, loi mi sa sa jo rit.” Nga ai ga ni rong nga ai. Mayu na ni go shan dut sha ni hte htinglet hkat ai she shadu na re, raitim hpyen la ni go lama mi go rai sai ngu maram yu ma ai. Jom dup yu ai hpang, la dai hpe jep yu na hku dodan sai hte maren, shana de hkying 4 hta, la dai a nta ko sok yu yang, Pyindu matep 5 hte ka-ni hpro matep mi mu jep ma ai.

  La dai tsun yang, ndai lapran la 3 shi ko ka-ni nanghpang ningtuk mari yu ai, wuisin ko htinglet hkat nna dut ya ai hkrai re. Ka-ni nanghpam ningtuk dut ai la dai tsun dan ai ka-ni ya ni hpe rim la nna jit jep yu yang, jit ko ka-ni nanghpam ningtuk rong nga ai. Ka-ni nanghpang ningtuk dut ai la dai hpe ya rim shingdang kau sai, ka-ni ya marai 4 hpe mung htong ko rim shingdang ton sai.