Shiga masa景颇新闻

Shuili pyenli hpaga dap ni shi shabra zuphpong ko wa du lom ma ai

瑞丽航空参加庆祝新中国成立70周年德宏专场新闻发布会

时间:2019-08-13 16:38:25 来源:德宏团结报

Shata 8 pro 6 ya shani, mungdo gaba shi shabra mu htam dap ni woi ninghtan galo ai“Tsomhtap hkik hkam ai 70 ning shakut shaja ra ai prat ningnan”Miwa mung mungdan ningnan go sharot ton ai 70 ning hpring nhtoi hkalum masat Sakhkung laksan shi shabra zuphpong Hkunmin ko hpo hpong lai wa sai, Shuili pyenli hpaga dap ni galo ton ai akyu nsi wa pya madun dan ma ai.

Sakhkung mungdo pati rapdo, mungdo asuya ni madi shado ai gata hta, pyenli hpaga dap ni magam mu galo hpang wa ai ko nna galo ton akyu nsi pya madun dan ma ai hte rau, nbungli pyen du ai shara, nbungli dung na matu hpung de shang ai ni a amat mahkong ai masa, nbungli bo do de na manam dung shara masa re ni tsun sanglang dan ma ai, nbungli ko lang ra ai rung rai ni mung pya madun dan lai wa sai, nbungli ko magam gun nga ai shayi shadang sha ni Jinghpo amyu htunghking bu hpun palong mon sumli da ai majo zuphpong sa ai manam ni yu gabu nga ma ai, shanhte hte datbung jom dem mayu ai ni mung grai lo ai.

Shuili pyenli hpaga dap ni go Yinnan madu buga ginra na pyenli hpaga dap rai nga ai hte rau, buga go maden ai bungli lam magup hta atsam grai dat lai wa sai.

Hkunmin hte Mangshi lapran na ntsa pyenli lam jahkrang ton ai majo, shawa masha shakon shagrau ai hkrum sai,Yinnan ko nna Myen mung Mandele de nbungli hkrang sai majo, Myen mung hte ni dik ai Miwa mung mungkan nbungli gut Myen mung maga de hkrang sai kumla madun nga ai.