Shiga masa景颇新闻

Maungdo gaba mung masa bongban rapdo ni anhte mungdo naMatse gumshem yengseng mu galo ai lam sa jep shadut ma ai

省政协监督我州扫黑除恶工作

时间:2019-07-19 11:34:23 来源:德宏团结报

  Shata 7 nhtoi 11 ya hte 12 ya shani, mungdo gaba mung masa bongban rapdo dinggrin salang, mungdo gaba ubadi tara rung hpaji jo salang Li Kyin hpungup tai, mungdo gaba mung masa bongban rapdo hpong shingra asat tara gok mu madu ningtau Chyu Shau Kyang,mungdo gaba mung masa bongban rapdo amyu hte makam masham muhtam gok mu madu ningtau Kung Gyin Jin, myingyen Yinnan mungdo gaba hpaji jo salang Wang Hung,mungdo pati rapdo majan man shabung dap dap up Rin Yen Chyin re matse gumshem mu laksan htek gasat jep shadut hpung masha ni anhte mungdo ko laksan sa jep dup maram hkom ma ai. Mungdo pati rapdo dinggrin salang, mungdo mung masa tara rapdo mu madu Yang Shang Hung, mungdo up ningtau, mungdo shawa wunli makop dap dap up, mungdo mung masa bongban rapdo tingnyang up ningtau Li Chon ni re hkan jep shadut nang nang ma ai.

  Jep shadut hpung ni shonghpang rai, mungdo shawa wunli dap hte Nmau shawa wunli dap hkan jep shadut dung jahta, mungdo shawa wunli dap hte Nmau shawa wunli dap ni matse gumshem htek gasat mulam shon shana dan ai madat mara la, jom tsun htinglai hkat, bai nna Nmau Yinho mung htingrep makop rung, Mangshi myu mare dingdung maga mung htingrep makop rung hkan matse gumshem mu htek gasat ai lam sa jep yu hkom, nmau Jegau Myen mung hkran na hpaida shara hte Kongla mare hkan na mung hting- rep gonhkang lam sa jep yu ma ai.

  Jep shadut hpung ni myit lu ai, matse gumshem mu laksan htek gasat sa wa ai ko nna rai wa yang, Sakhkung mungdo ni dinghkung mu madu Si Gyin Hpyin a ahkyak matsun madun atsam galo shatup mat wa, suthpom pati ginjo, mungdo gaba rapdo ni a hprai hparan lam ko hkan nna htek gasat sa wa, tso htum yu jahpu, woion du,tara hkrang hkum, buga mabyin masa ko lade nna, madung shadan shaleng, mungdo gaba ting ko kasi machyim jashon mat wa, matse gumshem htek gasat mu akyu yingam dan pru nna matsan shatong mu ongdang na matu ngang grin ai htingwan shalat ya lu sai.

  Jep shadut hpung ni lajin dat ai, matse gumshem mu htek gasat ai go myitlai shading sharai, mung masha ni a akyu ara makop ya,hpong shingra tara sharai jahkrak, hpong shingra rapra dingman lamhtu satsong dat na kyintut hpyishon lam re, gatya asat asa makop la- hku, hpaga htingwan sharai jahkrak, buga tara shangang shagrin, tara hte pati uphkang ai grengja da-hpran re. Mu ndai a madung lam, kyintut lam hpe chye ton nna ,tsohtum ai mung masa myit hte tinang madu ko nna matse gumshem htek gasat mu ko hkan shang lom ra ai nga ai.