Shiga masa景颇新闻

Dingda pannglai gobai jakmu masha labau ngau sumla madun dan ma ai

南洋华侨机工历史题材主题创作美术作品展第二阶段展览开展

时间:2019-07-16 15:52:30 来源:德宏团结报

  Shata 7 pro 10 ya shani, Wandin ja hpaga lok jakmu masha rapdo ni madung lit la, Sakhkung sara hpaji dakkasu jong, Sakhkung mungdo sumla soi sama ninghkring wunzup hpung ni garum lom ai ningdo 2 dingda panglai gobai labau hpe madung ai sumla dam madun lam go Mangshi Sinwan jak rung ko galo lai wa sai.

  Mungdo pati rapdo dinggrin salang, mungdo pati rapdo hko shabra dap dap up, mungdo pati rapdo chyare du Hu Shin, Sakhkung sara hpaji dakkasu jong pati rapdo mu madu Hkung Lagam hte jong up Hkyu Yung ni shamu shamot masat hta sa lom ma ai.

  Sumla dam madun lam ndai go alak mi re hku nna dingda panglai gobai masha ni mungdan de Japan majan wa gasat lom ai 80 ning ladu hkrum shaning hpe masat dingsat nna, jiwoi mungdan Japan majan ong padang lam hta akyu gaba sak jo ai dingda panglai gobai masha ni hpe nhtang myit dum masat ai lachyum rai nga ai.